Mikið mæðir á starfsfólki sjúkrahúsa í Svíþjóð vegna Kínaplágunnar og eru öll tilgengileg pláss á gjörgæslu að fyllast í Stokkhólmi. Lýðheilsan tilkynnti í gærkvöldi að tvöfalda þyrfti sjúkrarými miðað við fyrri spár. Það þýðir að öngþveiti mun skapast þegar fólk kemst ekki að og verður vísað frá eða að slökkt verður á öndunarvélum hjá dauðvona fólki til að hleypa yngri einstaklingum að sem eiga betri lífslíkur.
Skortur á öryggisbúnaði starfsfólks hefur leitt til mótmæla tugi þúsunda á facebook sem krefjast að öryggiskröfum verði fylgt en yfirvöld breyttu öryggisreglum og sögðu að í lagi væri að vinna án andlitsgrímu og vera í stutterma skyrtum í stað langerma.
Vinnueftirlitið ræðir um að kæra yfirvöld ef starfsfólk smitast og deyr og rætt er um að bæði yfirmenn sjúkrahúsa og stjórnmálamenn verði dæmdir fyrir afbrot.
Miklar umræður eru um hvernig Lýðheilsan greinir frá fjölda andláta vegna veirusmits en komið hefur í ljós að tölur eru rangar og ”leiðréttar” eftir á sbr. skrif Aftonbladets um málið. Hefur það sýnt sig að tölur um dána á sólarhring eru allt að tvöfalt hærri en Lýðheilsan gefur upp.
Hagstofa Svíþjóðar hefur nú ákveðið að safna tölum um látna og birta daglega. Þá veikjast margir ungir, frískir þvert á yfirlýsingar Lýðheilsunnar um að veiran leggist nær eingöngu á eldri.
Í síðustu viku voru yfir þriðjungi elliheimila í Svíþjóð smituð af veirunni og nokkuð um andlát þar án þess að aðstandendur fá að kveðja ástvini. Breiðist veiran hratt út meðal gamalmenna og sú trygging sem Lýðheilsan lofaði með að setja elliheimilin í einangrun að engu orðin.
Fréttir hafa einnig borist um að svæfingarlyfið Profopol sé á þrotum í Stokkhólmi en lyfið er notað m.a. við svæfingu sjúklinga fyrir tengingu við öndunarvélar.
Almannavarnir Svíþjóðar lýstu yfir nýlega að að við skort á aðföngum til reksturs Internets og raforkukerfisins má búast við raforkuskorti sem hefði alvarleg áhrif á heilsugæslustörf og einnig að Internet leggðist af. Flestir hlutir til kerfanna koma frá Kína en rof flutninga og landamæra stöðva eðlileg aðföng.
Ástandið í Stokkhólmi er verst og og hefur Karolinska sjúkrahúsið í Solna neyðst til að nota matarfrystiklefa sem líkgeymslu en mörg sjúkrahús hafa komið frystigámum fyrir lík fyrir utan sjúkrahúsin.
Ríkisstjórn Svíþjóðar vill fá víðtæk völd
„til að taka ákvarðanir án samþykkis þingsins. Hefur sú tillaga mætt mikilli andstöðu og m.a. hefur löggjafarnefndin gagnrýnt tillögurnar fyrir að vera almennt víðtækar í stað þess að skilgreina nákvæmlega hvaða aðgerðir ríkisstjórnin fær heimildir til að beita“.
