Ógnvekjandi aukning taugahrörnunarsjúkdóma meðal sífellt yngra fólks
Stephanie Seneff vísindakona Tæknistofnunar Massachusetts, MIT, varar við mögulegum langtímaskemmdum á heilanum af völdum COVID-19 mRNA bóluefna. Segir hún það líklegt, að það muni verða „ógnvekjandi“ aukning á nokkrum helstu taugahrörnunarsjúkdómunum.
Líklega gerist það í auknum mæli meðal yngra fólks, að sögn Stephanie Seneff, sem skrifar fræðilega grein undir fyrirsögninni „Verra en sjúkdómurinn? Farið yfir nokkrar hugsanlegar óviljandi afleiðingar mRNA bólusetninga gegn COVID-19“ í International Journal of Vaccine Theory.
Seneff er háttsett vísindakona við tölvfræði- og gervigreindarrannsóknarstofu MIT og hún sagði Lauru Ingraham hjá Fox News í vikunni, að það væri „svívirðilegt að vera að bólusetja ungt fólk, vegna þess að það er mjög, mjög lítil hætta fyrir það að deyja úr COVID.“
Þeir ungu hafa engan ávinning á að láta bólusetja sig
„Þannig að þeir ungu fá engan ávinning“ sagði hún. „Og þegarlitið er á hugsanlegan skaða af þessum bóluefnum, þá er engin meining í þessu.“ Seneff bætir við: „Endurteknar örvunarsprautur munu hafa hræðilegar afleiðingar til lengri tíma litið.“ Hún hefur gert miklar rannsóknir á efninu og er því „farin að skilja hvernig ferlið fer fram.“
Hún útskýrði, að þegar bóluefninu er sprautað í handlegginn „koma ónæmisfrumurnar og þær taka upp bóluefnið og byrja að búa til gaddaprótein“ sem er eitraðasti hluti veirunnar. Ónæmisfrumurnar þjóta inn í eitlakerfið og margar þeirra enda í miltanu, þar sem þær framleiða mótefni eins og til er ætlað.
„Vandamálið er að þessar endastöðvar í miltanu eru í raun staðurinn þar sem Parkinsonsveiki og aðrir taugahrörnunarsjúkdómar þróast“ segir Seneff. Hún útskýrir hvernig Parkinsonsveiki myndast og kemst að þeirri niðurstöðu að „að þetta sé fullkomin uppsetning fyrir veikina.“
Foreldrar ættu að gera allt sem í þeirra valdi stendur til að forðast að láta bólusetja börnin
Hún var spurð hvað hún myndi segja við þá foreldra, sem verða fyrir þrýstingi að að láta bólusetja börnin. „Þeir ættu að gera allt sem þeir geta til að forðast það“ svaraði hún. „Gjörsamelga allt sem þeir geta.“
Seneff skrifar ásamt Greg Nigh:
„Með príonlíkri virkni gaddapróteinsins munum við líklega sjá ógnvekjandi aukningu á nokkrum helstu taugahrörnunarsjúkdómum, meðal annars Parkinsonsveiki, langvinnri lungnateppu, ALS og Alzheimer og að þessir sjúkdómar munu verða sífellt algengari meðal sífellt yngri einstaklinga á komandi árum.“
