Þýska ríkisstjórnin vill, að Evrópusambandið afnemi neitunarvald einstakra aðildarríkja í utanríkismálum. Með því verður enn eitt skrefið tekið í átt að fullkomnu alríkisvaldi ESB. Gangi þetta eftir, má einnig búast við að neitunarvaldið verði einnig skert í öðrum málaflokkum, þar til það verður endanlega afnumið.
Heiko Maas utanríkisráðherra Þýskalands tilkynnti hugmyndina og tillögu Þjóðverja á fundi með sendiherrum Þýskalands í gær að sögn Reuters. Maas sagði þá, að „Við getum ekki liðið að hægt sé að taka okkur í gíslan með neitunarvaldi einstakra ríkja, sem standa í vegi fyrir utanríkisstefnu ESB. Ef við leyfum þessu að halda þannig áfram, þá er samstaða ESB-ríkjanna í hættu. Neitunarrétturinn verður að fara í burtu.“
Þola ekki sjálfstæði Ungverjalands
Nýlega réðst fulltrúi þýsku ríkisstjórnarinnar á Ungverjaland fyrir að vera með andmæli og vinna gegn Evrópusambandsinu. Í apríl komu Ungverjar í veg fyrir yfirlýsingu ESB sem gagnrýndi nýja öryggislöggjöf Kína í Hongkong. Í fyrra mánuði neituðu Ungverjar að skrifa undir nýjan viðskipta- og þróunarsamning á milli ESB og ríki þriðja heimsins í Afríku, Vesturindíu og á Kyrrhafssvæðinu. Ungverjaland neitaði einnig að styðja yfirlýsingu ESB um vopnahlé á milli Ísrael og Hamas að sögn Reuters.
Victor Orban forsætisráðherra Ungverjalands segir að þjóðarleiðtogar og ríkisstjórnir aðildarríkjanna eigi að ákveða utanríkisstefnu ESB en ekki búrakratarnir í Brussel. „Hvað varðar stefnu Evrópu gagnvart Kína, þá teljum við að við verðum að koma í veg fyrir kalt stríð og kaldastríðsmenningu í heimspólitíkinni.“ Ríkisstjórn Ungverjalands hefur bundist sterkari böndum með Kína og leyfir kommúnistum að byggja háskóla að kommúnískri fyrirmynd í Búdapest. Útvarp Saga hefur greint frá mótmælum Ungverja gegn háskólanum.
Sjá nánar hér
