Það er mjög mikilvægt að að vera vakandi fyrir þeirri miklu upplýsingasöfnun tæknirisa sem á sér stað, nú þegar nánast hver einasti maður á snjalltæki af einhverju tagi. Þetta var meðal þess sem fram kom í máli Breka Karlssonar formanns Neytendasamtakanna í síðdegisútvarpinu í dag en hann var gestur Hauks Haukssonar.
Breki segir að ákveðin blekking eigi sér stað af hálfu tæknirisanna í þeim tilgangi að safna persónuupplýsingum um fólk, upplýsingum sem oftast eru notaðar í viðskiptalegum tilgangi.
Hann segir að þetta eigi sér til dæmis stað þegar fólk sækir svokölluð öpp í snjalltæki sín.
“ þá koma fram ákveðnir skilmálar þegar þú hleður niður öppunum sem langflestir samþykkja, oft án þess að leiða hugann að því hvað verður um þessar upplýsingar sem verið sé að safna “ segir Breki.
Hann segir að fyrirtækin sem deili út umræddum öppum láti líta út fyrir að skilmálarnir séu nokkurs konar samningur sem notandinn skrifi undir með því að haka í reit.
“ þetta eru auðvitað engir samningar því notandinn verður að veita samþykki sitt ef hann vill geta notað öppin„, segir Breki.
Hlusta má á þáttinn í spilaranum hér að neðan