Má ekki segja frá árásarstríði Kænugarðs á íbúa Donbass
Alina Lipp, ung þýsk sjálfstætt starfandi fréttakona í Donbass hefur verið kærð af þýskum saksóknara í Lüneburg Neðra Saxlandi fyrir að flytja fréttir á netinu frá borginni Donetsk í Donbass héraði í A-Úkraínu. Alina er með fréttþátt undir nafninu ‘De Neues aus Russland und Donbass‘.
Hún heldur því fram að Kænugarður hafi um átta ára skeið haldið uppi árásarstríði & þjóðernishreinsunum á hendur rússneskumælandi fólki í Donbass. Hin unga Lipp er sökuð um að brjóta ákvæði hegningarlaga um að ‘umbuna og samþykkja saknæmt athæfi‘.
Saksóknari í Lüneburg í Þýskalandi hefur boðað réttarhald yfir Alinu sem á yfir höfði sér þriggja ára fangelsi. Hinni ungu blaðakonu er bannað að sækja réttarhaldið, því hún kunni að ‘trufla rannsókn málsins‘. Bankareikningum hennar hefur verið lokað.
Að sögn Alinu er hugsanleg saksókn byggð á óskrifaðri reglu sem heimilar aðeins fréttir hagstæðar þýskum stjórnvöldum. Öllum sem brjóta gegn þýska ríkinu skal refsað af réttarkerfi drifið áfram af hagsmunum ríkisins.
Að sögn Alinu eru tvær fréttir til rannsóknar, annars vegar 24. febrúar um ‘árásarstríð úkraínuhers sem staðið hefur frá 2014’ og hins vegar frétt 12. mars þess efnis að úkraínsk stjórnvöld stefndu að tortímingu íbúa Donbass: Genocide – Þjóðernishreinsanir gegn rússnesku mælandi fólki. Hún kvað átta ára ofsóknir og árásir staðfesta að sjálfstjórnaryfirlýsing íbúa Donbass 2014 yrði hefnt.
Hún birti viðtöl við íbúa Donetsk:
‘Þar til úkraínskar hersveitir verða dregnar til baka verður unnið stórfellt tjón. Úkraínskar hersveitir hafa staðið fyrir árásum. Við höfum mátt þola árásir í átta ár, nú er nóg komið.‘
Um sex milljónir hafa flúið Úkraínu til Evrópu og ein og hálf milljón til Rússlands einkum frá sjálfstjórnarhéruðum Donbass og Luhansk. Þjóðverjar hafa bannað Russian Television. Zelenski forseti hefur bannað stjórnarandstöðuflokka og fjölmiðlun er á hendi stjórnvalda í Kænugarði.
