Tíu handteknir í tengslum við umfangsmiklar vegabréfafalsanir

Lögreglan á höfuðborgarsvæðinu hefur handtekið tíu einstaklinga í vegna rannsóknar á umfangsmiklu vegabréfafölsunarmáli. Þá hefur lögregla farið í nokkrar húsleitir vegna málsins, meðal annars hjá einu fyrirtæki þar sem gögn voru haldlögð. Í tilkynningu frá lögreglu segir að hinir handteknu séu grunaðir um að hafa fengið skráningar á kennitölum í gegnum Þjóðskrá með sviksömum hætti. Mennirnir fengu úthlutaða kerfiskennitölu á utangarðsskrá um mitt síðasta ár, en þegar þeir sóttu um nýskráningu vöknuðu grunsemdir um að framlögð vegabréf þeirra væru bæði fölsuð og stolin. Lögregla vinnur enn að rannsókn málsins.

Deila