Tölvubréf Hunter Bidens sýna að faðir hans, Joe Biden, fór með ósannindi, þegar hann sagðist ekkert vita um viðskipti sonarins

New York Post birtir tölvubréf frá Vadym Pozharsy ráðgjafi orkufyrirtækisins Burisma í Úkraínu sem þakkar Hunter Biden fyrir að bjóða sér til Washington „og fyrir að gefa mér möguleikann á að hitta föður þinn og geta átt stund með honum. Það var mér raunverulega heiður og ánægja.”

Segist aldrei hafa hitt viðskiptavini sonarins

Bréfið ásamt öðrum úr tölvu Hunters Biden staðfesta það sem faðir hans hefur margoft neitað, að Hunter notaði stöðu sína í stjórn Burisma til að skapa tengsl við varaforseta Bandaríkjanna til að fá áhrif til viðskipta. Afhjúpun bréfanna kemur eins og blaut tuska í andlitið á Joe Biden sem núna er í framboði til forseta Bandaríkjanna en hann sagði í viðtali við Fox News í síðasta mánuði: „Ég hef aldrei talað við son minn um viðskipti hans erlendis. Ég veit að það þarf að rannsaka Trump….Þið ættuð að spyrja hann hvers vegna hann er í símanum með erlendum leiðtogum og reynir að koma sér í mjúkinn hjá þeim. Þið ættuð að rannsaka Trump.”

„Þið fáið engan pening nema að þið rekið saksóknarann”

Það vakti athygli, þegar Joe Biden skipaði Petro Poroshenko forseta Úkraínu og Arseniy Yatsenyuk forsætisráðherra að losa sig við Viktor Shokin saksóknara, sem rannsakaði spillingu í fyrirtækinu Burisma, þar sem Hunter Biden sat í stjórn. Fékk Hunter 50 þúsund dollara í mánaðarlaun frá fyrirtækinu. Hótaði Joe Biden að hindra greiðslu á milljarða dollara láni Bandaríkjanna til Úkraínu ef ekki yrði hætt við rannsókn á spillingu innan fyrirtækisins. Joe Biden sagði opinberlega síðar: „Ég leit á þá og sagði: Ég er að fara eftir sex tíma. Ef ekki verður búið að reka saksóknarann, þá fáið þið enga peninga. Og djö…maðurinn. Hann var rekinn.”

Tæknirisarnir slökktu á frétt New York Post – stærsta ritskoðun í 245 ár

Tucker Carlson hjá Fox News segir frá því að Facebook lokaði á frétt New York Post og slík ritskoðun hafi aldrei áður sést í Bandaríkjunum. Segir Carlson að „flest okkar hefðu aldrei getað ímyndað sér að þetta gæti gerst í þessu landi. En í dag gerðist það: Eitt megin dagblað í Bandaríkjunum birtir frétt – algjörlega rétta – um forsetaframbjóðanda. Einokunarfyrirtæki tæknirisanna sem stjórna miðlum Bandaríkjanna óttuðust að þessi frásögn gæti skaðað frambjóðandann sem þeir halda upp á. Þremur vikum fyrir kosningu þjóðarinnar, þá lokuðu þeir á fréttina. Þeir komu í veg fyrir að almenningur gæti lesið þarfar fréttir. Þeir létu sig ekki einu sinni hafa það að reyna að búa til útskýrandi afsakanir. Þeir bara gerðu þetta, nákvæmlega eins og ríkisstjórn Kína gerir.”

Ósæmilegar myndir meðal efnis á tölvu Hunter Biden

Dailymail birtir langa grein um málið og birtir myndir og segir frá ýmsu efni úr tölvu Hunter Bidens sem hann skilaði inn til viðgerðar og er ekki allt svo fallegt til frásagnar samanber kynlífsmyndir og myndir sem sýna Hunter sofandi með sams konar pípu og sögð er að fólk noti sem reyki crack eða maríjúana.

Mál Hunter Biden er til rannsóknar hjá Bandaríkjaþingi

Málið siglir upp sem hneykslismál fyrir Joe Biden og einnig sem enn ein sönnunin á vaxandi og opnum ritskoðunum netrisanna sem opið taka afstöðu með einum forsetaframbjóðanda gegn hinum og nota einokunarstöðu sína á markaðinum til að eyðileggja fyrir sitjandi Bandaríkjaforseta.

Skýrsla sem nefnd Bandaríkjaþings birti um rannsókn málsins í fyrra mánuði.

Athugasemdir

athugasemdir

Deila