Transmaður fæðir barn, transkonan hans reynir árangurslaust að gefa því brjóstamjólk

Hinir hamingjusömu foreldrar með barnið sitt.

Í þættinum „9 mánuðir með Corteney Cox” sem fjallar um fölskyldulíf á tíma barnameðgöngu, sýnir transpar barnsfæðingu (sjá á myndbandi hér að neðan), þegar transmaðurinn fæðir barn og transkonan tekur á móti barninu og setur beint á brjóstagjöf. Það er alltaf kraftaverk, þegar nýr einstaklingur kemur í heiminn og eins í þetta sinn, þótt aðstæður séu ekki svo mjög venjulegar. “Fær barnið mjólk?” spyr transmaðurinn Ahanu sem fæddi barnið og verður eflaust skráður sem „faðir” þess. Barnið fær enga mjólk, volgur speni transkonunnar Petronia er mjólkurlaus. Frá þessu greinir The Post Millennial.

„Barnið gat sogið“ segir Petrona við myndavélina og Ahanu horfir þegjandi á. “En mér hefur ekki tekist að framleiða neina mjólk. Það er allt í lagi, því ég ætla að bæta matinn með næringarefnum sem það þarf og ég er samt vongóð.”
Petrona segir við Ahanu: “Ég þakka þér svo mikið fyrir allt sem þú hefur gert.” „Ég þakka þér líka, elskan“ segir Ahanu. “Ég hefði ekki getað gert þetta án þín. Ég elska þig.”

Foreldri númer eitt hugsanlega réttnefndur fæðingaraðili

Orðin eru fögur og ástin kær en fyrir utanaðkomandi kannski erfitt að átta sig á því, að maðurinn sem fæddi barnið og er karlmaður á pappírnum, var áður kona og sennilega þess vegna sem hann (sem áður var hún) gat fætt barnið. Að móðurin framleiði enga brjóstamjólk og er kona á pappírnum, var áður karlmaður, og sennilega þess vegna sem hún (sem áður var hann) getur ekki framleitt brjóstamjólk, þótt slík dæmi finnist.

Allt þetta er ekki aðeins leyfilegt í bandarísku samfélagi samtímans heldur einnig bæði eftirsóknarvert og eitthvað til vera stoltur af og vera hrósað fyrir. Eftir um það bil áratug fullyrðinga um að karlar eru konur og konur karlar er nú hægt með aðstoð lyfja, skurðaðgerða og einhvers konar samfélagshamingju – að verða vitni að slíku kraftaverki: Konur verða menn og menn verða konur.

Áratuga hagsmunagæsla hefur í dag leitt til þess, að hægt er að þurrka konur út sem mæður. Endurspeglast þetta í tungumálinu og ekki lengur talað um móður og föður og sá sem fæðir barnið réttilega nefndur „fæðingaraðilinn.” Fyrir barnið verða tölurnar einn og tveir því leiðarljós í skilningi á foreldrum og mismunandi hlutverkum þeirra, því foreldri eitt er trúlega fæðingaraðilinn og foreldri tvö þar af leiðandi „mjólkuraðilinn.”

Læknavísindin hafa komið mjólkurframleiðslu í gang í transmönnum

Árið 2018 reyndi samkynhneigður og líffræðilega eðlilegur karlmaður að hafa barn líffræðilegs maka síns á brjóstagjöf. Fékk hann lyfjameðferð með lyfjum, sem eru leyfileg í Bretlandi og Kanada en bönnuð í Bandaríkjunum til að setja framleiðslu brjóstamjólkur í gang og innan mánaðar var hann byrjaður að „framleiða nokkra dropa af mjólk og innan þriggja mánaða hafði mjólkurframleiðslan aukist í átta únsur á dag.“ Ekki var rannsakað hvort mjólkin hefði yfirleitt nokkurt næringargildi. Times skrifar að „ekki sé vitað hvort brjóstamjólk af þessari gerð jafngildi mjólk, sem framleidd er eftir fæðingu af konum sem ekki eru transfólk.”

Einhverjum kann að finnast, að verið sé að nota læknavísindin til að aðstoða karlmenn, sem geta ekki sætt sig við, að einungis konur hafa gegnt því hlutverki að fæða mannkynið og að réttur karlmanna eigi einnig að taka yfir það svæði. Berast fregnir um, að sumir transmenn hafi látið sauma í sig kvenmansleg í þeirri ósk að geta fætt börn. Þar finnst sumum sem þeir skynji Frankenstein handan hornsins. „Ladies & Gentlemen” sem áður ómaði í upphafi ræðna hefur þagnað.

Athugasemdir

athugasemdir

Deila