Sænska sjónvarpið segir frá nýrri könnun um traust Svía á ríkisstjórninni, Lýðheilsunni og Almannavörnum Svíþjóðar í kjölfar kórónufaraldursins. Sjónvarpið lét endurtaka könnun frá því í mars 2020 í upphafi farsóttarinnar í Svíþjóð. Seinni hluta könnunarinnar var gerður 11. – 18. janúar 2021 og sýnir hrun á trausti Svía á ríkisstjórninni, Lýðheilsunni og Almannavörnum á tímabilinu. Einungis 30% Svía bera í dag mikið eða mjög mikið traust til ríkisstjórnarinnar og ekki nema 28% til Almannavarna. Lýðheilsan nýtur enn trausts um helming Svía skv. könnuninni.
Tvískinningur yfirvalda sem brjóta eigin sóttvarnarreglur skapar vantraust
Í desember s.l. var traust á ríkisstjórninni 45% en er núna 30% svo fallið hefur verið hvað mest eftir að reglur ríkisstjórnarinnar um ferðast ekki utanlands voru skerptar. Það sem setur spor eru ferðalög ráðherra í trássi við eigin reglur og einnig Dan Elíassonar forstjóra Almannavarna sem fór til Kanaríeyja í svallífsferð um jólin sem mikið hefur verið rætt um í fjölmiðlum. Traust á Almannavörnum er ekki nema 28% og hefur Dan Elíassyni verið fluttur úr embætti forstjóra Almannavarna í „vinnu“ á skrifstofu ríkisstjórnarinnar með forstjóratitil og sömu laun.
Jenny Madestem stjórnmálasérfræðingur segir í viðtali við sænska sjónvarpið að „Greinilega eru Svíar mjög vonsviknir bæði á ríkisstjórninni og þessum tveimur stofnunum.“ Segir hún að hneykslismál breyti skoðunum fólks sem getur sýnt sig í kosningunum 2022 en fyrir kosningarnar verður lokakafli í rannsókn kórónunefndarinnar birtur.
