Trump spyr: Hvað vissi Fauci um rannsóknir á „viðbótar-virkni“ og hvenær vissi hann það?

Núna hefur verið upplýst, að tölvupóstar Fauci sýna, að Fauci var vel meðvitaður um að veiran gat verið frá rannsóknarstofu Veirustofnunarinnar í Wuhan en hann hefur staðfastlega þar til fyrir skömmu neitað því sem „samsæriskenningu” og haldið því fram, að veiran hafi þróast á eðlilegan hátt í náttúrunni en sé ekki framleidd af manna höndum. Fauci viðurkenndi í síðustu viku að Heilbrigðisstofnun Bandaríkjanna hefði greitt Veirustofnuninni í Wuhan 600 000 dollara til rannsókna á veirunni og voru peningarnir millifærðir af EcoHealth Alliance. Fauci vissi þegar í janúar 2020 að kórónuveiran gæti hafa komið frá rannsóknarstofunni en hefur allan tímann barist gegn því, að málið væri rætt opinberlega alveg eins og Alþjóða heilbrigðisstofnun SÞ, WHO sem gengur erinda kínverskra kommúnista. Fauci hefur lýst því yfir, að Heilbrigðisstofnun Bandaríkjanna hefði brugðist skyldu sinni, ef hún hefði ekki styrkt Veirustofnunina í Wuhan með fjárgreiðslum.

Ný yfirlýsing frá Donald Trump

Trump hefur sent frá sér yfirlýsingu um tölvubréf Fauci og setur fram mikilvægrar spurningar varðandi vitneskju Faci um rannsóknir á viðbótar-virkni veirunnar „gain of function.” Fauci neitar því alfarið að peningagreiðslurnar hafi farið til þeirra rannsókna. Richard Ebright prófessor í efnalíffræði við Rugers Háskóla segir hins vegar í viðtali við Daily Caller„fjárgreiðslurnar væru m.a. ætlaðar til rannsókna á viðbótar-virkni veirunnar.” Fauci skrifaði sjálfur þegar ár 2012 að „kostir rannsókna á viðbótar-virkni eru meira virði en áhættan á heimsfaraldri.” Yfirlýsing Trump er í lausri þýðingu hér að neðan:

Yfirlýsing Donald J. Trump, 45. forseta Bandaríkjanna

„Eftir að hafa séð tölvubréfin, þá á landið okkar láni að fagna, því ég gerði ekki það, sem Dr. Fauci vildi að ég myndi gera. Til dæmis þá lokaði ég landamærum okkar mjög snemma gagnvart Kína, þrátt fyrir að hann vildi ekki að þeim yrði lokað. Demókratarnir og falsfréttamiðlarnir kölluðu mig meira að segja „útlendingahatara.“ Við sáum að lokum, að þetta var ákvörðun sem bjargaði lífum og það sama gilti um lokun landamæra okkar gagnvart Evrópu, sérstaklega gagnvart tilteknum afar smituðum ríkjum. Seinna fékk ég heiður fyrir jafnvel af „Tony“ fyrir að hafa bjargað hundruðum þúsunda mannslífa. Dr. Fauci lagði heldur ekki áherslu á að hraða framleiðslu bóluefnis, vegna þess að hann hélt að það myndi taka 3, 4 eða jafnvel 5 ár að búa það til. Með aðgerðinni Ofurhraða tókst að fá það gert á innan við 9 mánuðum. Eftir á að hyggja, þá er bóluefnið að bjarga heiminum.

Síðan gerði ég mesta veðmál sögunnar. Við pöntuðum bóluefni fyrir milljarða dollara áður en við vissum, hvort það virkaði. Ef það hefði ekki verið gert, hefðu dýrmætu bóluefnin okkar ekki verið gefin fyrr en í október á þessu ári. Enginn hefði verið bólusettur en það hefur nú bjargað heiminum og milljónum mannslífa!

Dr. Fauci var einnig alfarið á móti grímum, meira að segja þegar ég hélt að þær gætu jafnvel gert eitthvað gagn. Síðan skipti hann skyndilega um skoðun og gerðist róttækur grímuberi!

Þær eru margar spurningarnar, sem Dr. Fauci verður að svara. Bandaríkin hófu fjármögnun Wuhan í heimsku Obama-stjórnarinnar árið 2014 en var lokið undir stjórn Trumps. Þegar ég frétti af þessu, þá sagði ég: „Kemur ekki til greina.“ Hvað vissi Dr. Fauci um rannsóknir á „viðbótar-virkni“ og hvenær vissi hann það?“

Síðari yfirlýsing Trumps (sjá yfirlýsinguna í heild á ensku á Newsmax):

“Nú eru allir, jafnvel svo kallaðir „óvinir” farnir að segja, að Trump forseti hafi haft rétt fyrir sér, að Kínaveiran kemur frá rannsóknarstofu í Wuhan. Bréfaskipti Dr. Fauci og Kína tala svo hátt að enginn getur sniðgengið þau. Kína ætti að borga tíu trilljónir dollara til Bandaríkjanna og heimsins fyrir dauðann og eyðilegginguna sem þeir hafa valdið! “

Athugasemdir

athugasemdir

Deila