NTD greinir frá því að Trump hafi brugðist við yfirlýsingu Twitter um að loka endanlega fyrir síðu hans með því að fordæma netrisann fyrir að útiloka frjálsa umræðu: „Eins og ég hef sagt í langan tíma, þá hefur Twitter teygt sig lengra og lengra í áttina að banna frjálsa umræðu og í kvöld hafa starfsmenn Twitter í samráði við Demókrata og róttæka vinstri menn fjarlægt síður mínar til að þagga niður í mér – og YKKUR 75.000.000 góðra föðurlandsvina sem kusu mig“ sagði Trump í yfirlýsingu vegna lokunar Twitter. „Twitter er einkafyrirtæki, – en án framlags ríkisstjórnarinnar skv. ákvæði 230 geta þeir ekki starfað lengi.“
Eru í samningaviðræðum um aðrar leiðir
Forsetinn sagðist eiga von fljótlega á þýðingarmikilli tilkynningu og að teymi hans sé að semja við önnur netfyrirtæki og jafnvel að íhuga að skapa eigin sérstakan tæknigrunn. „Ég sá fyrir að þetta myndi koma. Við erum í samningaviðræðum við ýmsar aðrar netveitur og munum koma með mikilvæga tilkynningu fljótlega á sama tíma og við erum einnig að kanna að byggja okkar eigin tæknigrunn í náinni framtíð. Það verður ekki hægt að ÞAGGA NIÐUR í okkur! Twitter er ekki fyrir FRJÁLSA UMRÆÐU. Þeir vinna fyrir róttæka vinstri stefnu þar sem mestu illmennum heims er leyft að tala frjálst. VERÐUM Í BANDI!“
Hindra að forsetinn „geti hvatt til glæpaverka eins og í þinghúsinu 6. janúar“
Twitter lokaði á reikning Donald Trump síðdegis á föstudag og var síðasta tístið sem Trump sendi frá sér um að hann ætlar ekki að vera viðstaddur, þegar Joe Biden sver eiðinn sem 46. forseti Bandaríkjanna. Sagði Twitter að Trump hefði með tístum sínum brotið reglur Twitters um „hyllingu ofbeldis“ og að lokun reikninga Trumps sé gerð til að koma í veg fyrir að hann breiði út „hyllingu ofbeldis sem getur verið innblástur til annarra að endurtaka ofbeldisaðgerðir.“ Segir Twitter að síðustu tíst Trumps séu „afar líkleg til að hvetja og veita fólki innblástur til að endurtaka glæpsamlegar aðgerðir eins og gerðust í þinginu 6. janúar 2021.“
Lokað á fleiri íhaldssamar raddir
Twitter hefur einnig lokað reikningum Sidney Powell fyrrum ríkissaksóknara og fv. öryggisráðgjafa þjóðarinnar Michael Flynn hershöfðingja fyrir „samstilltar skaðlegar athafnir.“ Bendir allt til að Twitter og aðrir netrisar banni umræður um kosningasvindl og loki á allar gagnrýnisraddir um framkvæmd kosninga í Bandaríkjunum.
Þá tilkynnti Brandon Straka stofnandi #WalkAway að Facebook hefði fjarlægt síður hópsins með um hálfa milljón meðlima og einnig bannað persónulegar síður hans sjálfs og starfsmanna hans. Sagði hann við The Epoch Times að hann og teymi hans „fengum öll samtímis tilkynningu um að síður okkar væru bannaðar og einnig síður Walkaway hópsins með um 508 þúsund fylgjendur.“ Segir hann að vitnismál hundruð þúsunda manns um hvernig þau hafa yfirgefið vinstri stjórnmálin væru öll horfin, myndbönd og textar.
Ógæfulegur fyrirboði um það sem koma skal undir stjórn Biden og Harris
„Ritskoðun á íhaldsmönnum mun halda áfram í náinni framtíð og að öllum líkindum verða miklu verri“ sagði Straka. „Tilfinningin sem ég hef er að þetta er ógæfulegur fyrirboði um hvað við getum átt von á undir stjórn Biden og Harris. Verið er að útrýma okkur íhaldsmönnum fullkomlega frá félagsmiðlum og við meðhöndlaðir sem annars flokks þjóðfélagsþegnar.“
Twitter styður þjóðarmorð kommúnista á Úígúrum
Talsmaður Twitter skrifar að eftirfarandi tíst kínverska sendiráðsins í Bandaríkjunum brjóti ekki í bága við birtingarstefnu Twitter. Í tilkynningu sendiráðs kommúnista segir að „rannsóknir sýna að í ferlinu til að útrýma öfgastefnu, þá var hugur úígúrskra kvenna í Xinjiang frelsaður og árangri náð í kynjajafnrétti og heilsu, þannig að konurnar voru ekki lengur barnafæðingavélar. Þær eru núna sjálfsöruggari og sjáfstæðari.“
Kínverskir kommúnistar stunda þjóðarmorð á Úígúrum m.a. með því að hefta barneignir kvenna. Áróður kommúnista er leyfilegur skv. stefnu Twitter en bannað er að gagnrýna vankanta á kosningakerfi í sumum fylkjum Bandaríkjanna.
