„Tucker Carlson Tonight“ bauð Hooman Noorchashm sem er einn helsti ónæmisfræðingur Bandaríkjanna og skurðlæknir til viðtals til að ræða nýja skýrslu heilbrigðisyfirvalda í Ísrael, sem getur haft mikil áhrif fyrir ungt fólk í Bandaríkjunum. Tucker Carlsson lýsir Hooman Noorchashm sem virtum sérfræðingi sem skrifar fræðigreinar í þekkt læknatímarit. Vísindamenn uppgötvuðu hjá ungu fólki, að covid-bóluefnin leiddu til ótrúlegs fjölda hjartavöðvabólgu, sem getur leitt til dauða. Hér að neðan er saxað úr frásögn Tucker Carlsson um málið.
25 sinnum hærra hlutfall banvænnar hjartabólgu hjá bólusettum ungmennum en hjá óbólusettum
Tuttugu og fimm sinnum hærri hlutfall hugsanlegrar banvænnar hjartabólgu. Það er heljarstökk. Ef þessar tölur eru réttar – og við höfum enga ástæðu til að draga þær í efa – þá er líklegra að hraust ungmenni sýkist eða deyi frekar af covid-bóluefninu en sjálfum COVID sjúkdómnum. Þetta er stóra „stöðvum færibandið augnablikið“ sem vekur alls konar augljósar spurningar t.d.af hverju háskólar um allt land eru að krefjast þess, að nemendur verði bólusettir?
Við báðum lækninn Noorchashm um skoðun hans á málinu. Hann er sammála um, að það eru alvarleg mistök að lögleiða bóluefni fyrir háskólanema, ekki síst vegna þess að svo mörg ungmenni hafa þegar fengið og náð sér eftir kórónaveiruna og hafa því mótefni gegn kórónaveirunni:
TUCKER: „Ísraelsk heilbrigðisyfirvöld gáfu út skýrslu sem sýnir að bólusett ungt fólk, sérstaklega ungir menn, eru að fá hugsanlegan banvænan fylgikvilla – hjartabólgu sem kallast hjartavöðvabólga – sem þróast mjög hratt. Vísindamenn komust að því, að tíðni hjartavöðvabólgu hjá bólusettum ungum karlmönnum væri 25 sinnum meiri en hjá öðrum mönnum. Sumir þeirra bólusettu dóu.“
Gríðarleg mistök lýðheilsunnar
NOORCHASHM: „Ég trúi – eins og við höfum áður rætt um – að það séu gríðarleg mistök lýðheilsunnar að bólusetja fólk sem hefur náð sér eftir COVID – í þessu neyðarástandi þegar við höfum samþykkt í skyndi þetta nýja bóluefni.“
„Gríðarleg mistök lýðheilsunnar“ – orðin koma frá manni sem vinnur að lýðheilsu. Þetta er skoðun Dr. Noorchashm, sem hann leggur áherslu á. Reyndar var sonur hans tilneyddur af Háskólanum í Chicago til að taka bóluefnið. Hann var búinn að jafna sig eftir coronaveiruna og Dr. Noorchashm berst gegn því, að hann verði bólusettur. Hann hefur hugsað mikið um þetta. Honum finnst það skipta máli. Eftir samtal okkar í gærkvöldi setti Dr. Noorchashm samtal okkar á YouTube. Aðrir foreldrar eiga fullkominn rétt á að vita um þessar staðreyndir. Líf gæti ráðist af því. En tæknirisarnir leyfa ekki slíkar umræður lengur.
Netrisarnir þagga jafnvel niður í ónæmissérfræðingum Harvard – Noorchashm ekki eini maðurinn sem hefur tekið eftir því sem er að gerast
Af ástæðum, sem við getum ekki vitað með vissu – en eru greinilega óheillavænlegar og ósamrýmanlegar lýðræðinu – þá leyfa netrisarnir ekki lengur neinar spurningar um bóluefni jafnvel frá ónæmissérfræðingum Harvard, Þar sem vitnað er í opinber gögn stjórnvalda. Stóru tæknifyrirtækin ritskoða allt nema velmeinandi tal og áróður. Dr. Noorchashm fékk fljótt þessi skilaboð: „Teymi okkar hefur skoðað innihaldið og því miður, þá teljum við það brjóta reglur okkar um læknisfræðilega villandi upplýsingar. Við höfum því fjarlægt innihaldið frá YouTube.“
Þannig þaggaði Google í Dr. Hooman Noorchashm. Sem betur fer er heimurinn stór og Noorchashm er ekki eini maðurinn, sem hefur tekið eftir því sem er að gerast eða hvað gögnin, sem koma frá vísindamönnum í fremstu röð, segja um bóluefnin og áhrif þeirra.
COVID-bólusetningin er tilraunastarfsemi með fólk
Í Kanada hefur læknir að nafni Jean Marc Benoit ásamt þingmanninum Derek Sloansett hafið undirskriftarsöfnun til að stöðva bólusetningar COVID-19 á ungu fólki. Þegar hafa safnast yfir 25.000 undirskriftir. Þeir hafa fengið tugi skýrslna frá læknum og hjúkrunarfræðingum á sjúkrahúsum með COVID sjúklinga, þar sem sagt er, að ungt fólk sé að veikjast alvarlega eftir að hafa tekið bóluefnið.
„COVID-19 bólusetningin er í raun tilraunastarfsemi með fólk“ segir í undirskriftasöfnuninni. Samtímis mælir Þýskaland nú með því, að heilbrigð ungmenni forðist bóluefnið, punktur. Það er of hættulegt.
Sóttvarnayfirvöld munu halda neyðarfund til að ræða þessar tölur, sem tvö af skýrslukerfum ríkisstjórnarinnar staðfesta að séu raunverulegar. YouTube er meðvitað um allt þetta, hvernig gætu þeir ekki verið það? Og ef þeir eru það ekki, þá lögðum við það fram í bútnum, sem þeir bönnuðu.
Veit einhver svarið hversu margir hafa verið drepnir með Covid-bóluefnunum?
TUCKER 11. JÚNÍ 2021: „Milli 1. júlí 1997 og til loka árs 2013 – fimm og hálft ár – var tilkynnt um 2.149 dauðsföll í Bandaríkjunum vegna allra bóluefna. Samt á aðeins hálfu ári hafa meira en 5.160 látist í tengslum við covid-bóluefni skv. skýrslukerfi VAERS. Helmingi fleiri á minna en tíunda hluta tímans. Ó, en þessar tölur eru rangar segja venjulegir lygarar í hámarks móðursýki. Allt í lagi. Svo hverjar eru þá réttu tölurnar? Hversu margir hafa verið drepnir eða særðir með COVID bóluefnunum? Veit einhver svarið?“
Já, jæja, þetta er allt saman á vefsíðum ríkisstjórnarinnar. Ef þú lest opinber gögn opinberlega verður þú ritskoðaður. Kannski er það ástæða þess, að enginn les upp gögn ríkisstjórnarinnar á neinum rásum.
Stöndum ótraustum fótum ef við segjum að ungum hraustum krökkum stafi meiri hætta av farsóttinni en af sjálfu bóluefninu
Í gær fór læknir að nafni Tracey Hoeg, sem er með doktorsgráðu í farsóttum og mjög hæfur til að ræða þessi mál, á Twitter til að ræða tölurnar um hjartabólgu meðal ungs fólks.
„Hjartavöðvabólga eftir bólusetningu var greinilega yfir grunnlínu í lok maí. Við stöndum á veikum fótum ef við segjum, að hættan af COVID-19 sé meiri fyrir heilbrigða krakka en af bóluefninu.“ Nærðu þessu? Þetta er vísindaleg staðreynd og augljós athugasemd, sem hefur mikil áhrif á lýðheilsu tugi milljóna manna hér. Engu að síður merkti Twitter tístið sem „villandi“ innan nokkurra sekúndna. Vísindakonan Tracey Hoeg varð agndofa. „Ég er að vitna í glærur sjálfrar Sóttvarnarmiðstöðvarinnar“ skrifaði hún.
Hversu lengi getur þetta haldið svona áfram?
Öldungadeildarþingmaðurinn Ron Johnson var nýlega rekinn af YouTube, vegna þess að hann lagði til að hýdroxýklórókín gæti verið meðferð við kórónaveirunni. Hann sagði einnig, að þú þyrftir ekki bóluefnið ef þú hefur þegar smitast og náð þér eftir COVID. Þetta er ekki mat brjálæðings heldur byggt á vísindum. Margir vísindamenn eru nú sammála Ron Johnson, þar á meðal Nature Magazine. Er búið að banna þá? Við vitum það ekki. Í Bandaríkjunum núna má enginn vera neitt annað en áhugasamur talsmaður bóluefna fyrir alla.
Reyndar gætu Tracey Hoeg og Ron Johnson hafa komist auðveldlega undan með ritskoðun. Þetta gæti hafa verið verra, þau hefðu getað lent í fangelsi.
Hversu lengi getur þetta haldið áfram?
Pistil Tucker Carlsson má lesa í heild sinni hér
