Tucker Carlson: „George Soros hefur skapað glundroða í áratugi“

George Soros hefur komist yfir svo mikið af fé og völdum, að vestræn stjórnvöld þora ekki lengur að ganga gegn honum. Þetta fullyrðir Tucker Carlson hjá Fox News í nýjum þætti undir yfirskriftinni „George Soros hefur skapað glundroða í áratugi“ þar sem Tucker beinir miskunnarlausri gagnrýni á milljarðamæringinn. Soros er líkt við „ólígarka“ sem notar auð sinn til að móta Vesturlönd á ýmsan hátt eftir eigin stjórnmálagildum (mynd sksk youtube).

Græddi milljarð dollara á því að eyðileggja breska pundið

Tucker Carlson hjá Fox News ræðst enn á ný beint á vinstri sinnaða milljarðamæringinn George Soros, sem samkvæmt Svenska Dagbladet hefur byggt upp gífurlegan auð sinn fyrst og fremst með gjaldeyrisbraski. Blaðið skrifaði ár 2011:

„Sænskur almenningur kynntist honum, þegar hann velti því fyrir sér árið 1992, að sænska krónan væri ofmetin og endaði það með alvarlegri fjármálakreppu fyrir Svíþjóð og gerði Soros ríkari.“

Tucker Carlson bendir á, að áður fyrr reyndu stjórnvöld að berjast á móti en gera það varla lengur núna:

– „Þegar George Soros eyðilagði breska pundið fyrir 30 árum, þá gerðu bresk stjórnvöld gagnárás. Þau gerðu allt sem þau gátu til að varðveita verðmæti þjóðargjaldmiðils síns. Embættismenn hækkuðu vextina um allt að 15 %. Englandsbanki seldi 40 milljarða dollara af gjaldeyrisforðanum í örvæntingarfullri tilraun til að styrkja pundið. En á endanum tókst það ekki. Englandsbanki féll. Heildarkostnaðurinn fyrir Breta? Jæja, það er erfitt að mæla, en að minnsta kosti 3 milljarðar punda. Þetta á þeim tíma þegar pundið var á 2,5 dollara. Í dag er pundið á $1,20 sem segir mikið. Bretland varð fátækara, en ekki George Soros. Sjóður hans græddi milljarð dollara – milljarð dollara fyrir að skapa ekki neitt, heldur aðeins fyrir að eyðileggja.“

Ríkisstjórnir vesturlanda þora ekki lengur að takast á við George Soros

Síðan á tíunda áratugnum hefur George Soros aðeins orðið ríkari. Svo ríkur, fullyrðir Tucker, að vestræn stjórnvöld og stjórnmálamenn taka varla í mál lengur að ganga gegn milljarðamæringnum, þegar hann leggur sig í „grundvallar innanlandsmál landanna“. Sjálfur heldur George Soros því fram fyrir sitt leyti, að hann sé sá sem raunverulega standi upp fyrir hinn „frjálsa og opna heim“ eins og hann orðaði það fyrr á þessu ári. Tucker heldur áfram:

– „Árið 2015 ákvað Soros til dæmis, að Evrópa myndi taka á móti milljónum flóttamanna frá Afríku og Miðausturlöndum. Tiltölulega fáir Evrópubúar vildu að þetta gerðist, en George Soros gerði það. Þannig að hann eyddi meira en hálfum milljarði dollara í hagsmunagæslu fyrir frjáls félagasamtök og evrópsk stjórnvöld til að samþykkja stórfellt flóð innflytjenda. Hvað gerðist þá? Mannúðarkreppa skall á, sem enn stendur yfir. Lífið í Evrópu er orðið miklu verra. Hefur þú heimsótt París undanfarið? Þú ættir að gera það: Ofbeldisglæpir, sérstaklega nauðganir, eru að aukast á meðan evrópskir stjórnmálamenn, margir þeirra styrktir af Soros, neita að viðurkenna það.“

Reynir að eyðileggja bandaríska réttarkerfið með því að koma rétttrúuðum saksóknurum að sem fara ekki eftir lögum

Svo hvers vegna að koma með þessar ásakanir á George Soros á þessum tíma? Ástæðan er sú, ​​að sögn Tucker, að milljarðamæringurinn beinir einnig sjónum sínum að Bandaríkjunum og er að reyna að eyðileggja bandaríska réttarkerfið. Það gerir hann með því að koma að hugmyndafræðilega vinstrisinnuðum saksóknurum – í borg eftir borg m.a. með fjármögnun kosningaherferða viðkomandi. Sagt er að Soros hafi eytt háum fjárhæðum og er oft stærsti stuðningsaðilinn. Bent er á, að hann standi fyrir allt að 90 % kostnaðar við eina herferð. Saksóknarar eru alls 75 talsins. Einn af hverjum fimm Bandaríkjamönnum eða 70 milljónir búa í dag á svæðum, þar sem saksóknarar Soros eru að valda usla, segir Tucker.

En hvaða máli skiptir það? Saksóknarar, sem eru tilnefndir vegna rétttrúnaðar, neita að beita lögum gegn svokölluðum vernduðum hópum, minnihlutahópum eða transfólki. Þeir telja að bandarísk lög séu „rasísk. Það skrifa þeir undir. Það er kjarninn í hugmyndafræði þeirra“ segir Tucker.

Og útkoman er hömlulaust ofbeldi og morð. Fjöldi morða í Bandaríkjunum jókst um 30 % árið 2020 skv. FBI:

„Þetta er mesta fjölgun morða á einu ári í sögu Bandaríkjanna. Allt vegna þess að milljarðamæringur ákveður, að lög sem bandarískir ríkisborgarar hafa kosið um og stutt, séu kynþáttafordómar. Heyrist þér það vera lýðræði? Auðvitað er það ekki lýðræði. Lýðræði er kerfi þar sem vilji meirihlutans er viðurkenndur og oft beitt. Fólkið ræður. En það sem við lýstum er fákeppni/ólígarkí. Í besta falli er það hryllilegt og hefur drepið marga.“

Saksóknari sem vann fyrir Soros rekinn úr starfi sínu í Flórída

En Soros neitar því sjálfur að stuðningur hans við vinstrifrjálslynda saksóknara hafi valdið einhverri glæpabylgju. Í Flórída setti Ron DeSantis, ríkisstjóri repúblikana, nýlega niður fótinn og rak „saksóknara sem naut stuðnings Soros“ eins og Tucker orðar það.

Að sögn DeSantis hefur viðkomandi saksóknari hafið sjálfan sig yfir lögin. Saksóknari sem hagar sér þannig brýtur ekki aðeins skyldur sínar heldur skortir hann einnig hæfni til að gegna skyldum sínum, útskýrði DeSantis á blaðamannafundinum, þegar hann tilkynnti um uppsögn saksóknarans.

Ron DeSantis, sem notar einnig hugtakið „Soros saksóknarar“ útskýrir, að þessir saksóknarar velji hvaða lögum eigi að framfylgja. „Þeir eru að reyna að breyta lögum með því að þvinga fram aðra framkvæmd en lögin segja til um“ segir ríkisstjórinn DeSantis.

En það er hlutverk saksóknara að beita lögunum, – ekki búa þau til. Tucker Carlson sagði um brottrekstur Soros saksóknarans í Flórída:

„Hann hefur neitað að beita þeim lögum, sem George Soros er í nöp við, í sex ár. Því lauk í dag.“

Horfðu á Tucker Carlson þáttinn með því að smella á myndbandið hér að neðan.

Bakgrunnur ríkidóms George Soros

George Soros veðjaði háum fjárhæðum á að sænska krónan félli í verði, sem skapaði dómínóáhrif og leiddi til þess, að aðrir skiptu krónunni í erlenda gjaldmiðla til að búast til varnar. Það var þá sem Seðlabanki Svíþjóðar ákvað að hækka vextina um 500 %. Bengt Dennis, þáverandi seðlabankastjóri sagði á „sögulegum blaðamannafundi að himininn setti mörkin.“ En það virkaði ekki. Tjónið fyrir Svíþjóð og sænsku þjóðina varð gríðarlegt.

Í annarri grein í SvD, þar sem farið var dýpra í fjármálakreppuna, er skýrt frá því að

– „Haustið 1992 eykst þrýstingur á krónuna, þrýstingur sem að hluta til er knúinn áfram af gjaldeyrisbraski George Soros gagnvart sænska gjaldmiðlinum. Markaðurinn mat málin þannig, að ríkisstjórn Bildt, sem tók við völdum árið áður, gæti ekki ráðið við ástandið. Fjárlagahallinn ríkur upp og fjárhagur ríkisins versnar hratt.“

Í grein á forskning.se segir:

„Verðmæti krónunnar lækkaði í kjölfarið um 20 prósent sem bjargaði sænskum útflutningi. Nú hófst batatímabil fyrir sænska efnahagslífið, en nauðsynlegt var að hreinsa til í ríkisfjármálum með miklum sparnaði og miklum skattahækkunum.“

Aðgerðir Soros höfðu ekki aðeins áhrif á Svíþjóð. Hann veðjaði líka á breska pundið sem hann knésetti árið 1992. Hann tók háar fjárhæðir að láni og veðjaði síðan á, að pundið myndi falla í verði, sem það gerði á endanum – eftir örvæntingarfullar tilraunir breskra stjórnvalda til að verja gjaldmiðilinn. „Að lokum skildi breska ríkisstjórnin að það yrði of dýrt að halda uppi genginu. Pundið var á floti og hrundi í verði“ skrifaði SvD Näringsliv árið 2016. George Soros þénaði milljarð dollara á „einum degi“ eins og venjulega er sagt.

Soros var einnig sérstaklega viðloðinn vegna Asíukreppunnar seint á tíunda áratugnum, þar sem hann veðjaði einnig gegn gjaldmiðlum. En hann neitar því að vogunarsjóðurinn hans Quantum Fund hafi valdið kreppunni.

Lesa má á Wikipedia að „þeir séu til, sem halda því fram, að aðgerðir Soros og annarra gjaldeyrisbraskara hafi stuðlað að efnahagskreppum og lækkað lífskjör margra ríkja.“

Deila