Uttar Pradesh, Indlandi, tilkynnir að ríkið sé laust við COVID-19 vegna árangurs “ormahreinsunarlyfsins” ÍVERMEKTÍN

Eins og Útvarp Saga greindi frá 12. september, þá kærðu lögmannasamtök í Indlandi Dr. Soumya Swaminathan yfirvísindamann WHO fyrir fjöldamorð en hún kom því til leiðar í Tamil Nadu, að yfirvöld tóku Ívermektín af lista yfir lyf gegn Covid-19 með þeim árangri að dauðsföll tíufölduðust.

Ívermektín aðalorsökin fyrir 98,7% bata í Uttar Pradesh

Núna koma þær gleðifréttir frá Uttar Pradesh, að ríkið sé laust við Covid-19 vegna notkunar og áhrifa Ívermektín í baráttunni gegn sjúkdómnum. Skv. Hindustan Times lýsti ríkisstjórn Uttar Pradesh því yfir s.l. föstudag, að 33 héruð ríkisins væru laus við Covid-19. Batahlutfallið er 98,7% sem sannar áhrif þessa svo kallaða „ormahreinsunarlyfs” sem notað var opinberlega sem „covid stefnulíkan Uttar Pradesh” í baráttunni gegn Covid-19. Hefðbundnir fjölmiðlar þegja yfir þessum framúrskarandi árangri.

Uttar Pradesh er með um 241 milljónir íbúa og er fjölmennasta svæði í Indlandi. Það er álíka og tveir þriðju íbúa Bandaríkjanna og er núna orðið laust frá Covid-19. Hindustan Times sagði frá þróuninni í Uttar Pradesh:

Á heildina litið eru alls 199 virk sjúkdómstilfelli í ríkinu á sama tíma og jákvæð próf fóru undir 0,01 prósent. Bati eftir sjúkdóminn hefur farið upp í 98,7 prósent. Samkvæmt heilsufarsupplýsingum ríkisins, þá greindust aðeins 11 ný Covid tilfelli og ekkert dauðsfall í Uttar Pradesh síðasta sólarhring.

India Today greindi einnig frá málinu 31. ágúst s.l.:

Virk smittilfelli í Uttar Pradesh eru komin niður í 269 samtímis sem hlutfall virkra smittilfella á móti staðfestum tilfellum er 0 prósent.
Virk smit, sem voru flest 310,783 í apríl, hafa minnkað yfir 99 prósent.

Ný Covid-19 tilfelli hafa haldist undir 100 í ríkinu samfleytt í 50 daga í röð.

Af þeim 187,638 sýnum, sem tekin voru á síðasta sólarhring, reyndust 21 jákvæð. Á sama tímabili náðu 17 aðrir sjúklingar sér eftir sjúkdóminn, þannig að samtals hafa 1,686,182 manns náð sér eftir sjúkdóminn til þessa.

Uttar Pradesh leiðir notkun Ivermectin á Indlandi sem fyrirbyggjandi meðferð í öllum fjölskyldusamböndum. Ríkið hefur eitt af fimm lægstu COVID sjúkdómstilfellum allra ríkja á Indlandi, þrátt fyrir að bólusetningarhlutfallið sé aðeins 5,8% fullbólusettra.

Tilraunir með Ívermektín skiluðu svo góðum árangri að ákveðið var að nota lyfið

Indian Express greinir frá:

„Uttar Pradesh var fyrsta ríkið í landinu til að taka upp stórfellda fyrirbyggjandi meðferðarnotkun Ivermectin. Agra hópur undir forystu Dr. Anshul Pareek, lét alla liðsmenn RRT í héraðinu fá Ivermectin í tilraunaskyni í maí – júní 2020. Að sögn Vikssendu Agrawal, eftirlitsmanns ríkisins, sýndu niðurstöður að enginn þeirra þróaði Covid-19, þrátt fyrir að vera í daglegu sambandi við sjúklinga, sem mældust jákvæðir með veiruna.“

Hann bætti við, að á grundvelli niðurstaðna frá Agra, samþykkti ríkisstjórnin notkun Ivermectin sem fyrirbyggjandi meðferð í öllum tengslum Covid – sjúklinga og síðar var einnig leyfi veitt til að gefa lækningaskammta til meðferðar á Covid – sjúklingum.

Hann fullyrðir, að tímabær innleiðing Ivermectins þegar í fyrstu bylgjunni, hafi reynst ríkinu gagnlegt við að halda smiti niðri þrátt fyrir mikinn íbúaþéttleika. Agrawal sagði: „Þrátt fyrir að vera það ríki, sem hefur mestan íbúafjölda og mikinn íbúaþéttleika, þá hefur okkur tekist að halda smiti verulega niðri með fá jákvæð sýni á hverja milljón íbúa.“

Ríkisstjórnin hvetur alla til að eiga Ívermektín 12 mg töflur heima hjá sér

The Dialogue greinir frá því að ríkisstjórn Uttar Pradesh hafi tilkynnt í ágúst s.l. um notkun Ivermectin 12 mg taflna í baráttunni gegn Covid:

Í tilkynningu stjórnvalda segir: „Læknar ráðleggja að nota Ívermektín 12 mg töflur til að halda áhrifum heimsfaraldursins í skefjum. Þetta lyf er afar árangursríkt til að vernda gegn Covid-19. Þess vegna hvetjum við hvern og einn einasta meðborgara til að eiga þessar töflur.“

Í tilkynningunni er síðar farið í að útskýra skammtinn: Fyrir sjúklinga, sem mælst hafa jákvæðir með veruna og eru einangraðir heima er ráðlagt að taka eina töflu á dag í þrjá daga.

Þingmaðurinn Craig Kelly í Ástralíu hrósar forsætisráðherra Utter Pradesh fyrir notkun Ívermektín

Athugasemdir

athugasemdir

Deila