„Valdhafarnir höfðu á röngu að standa í nær öllum málum“ – Flórída bjargaði Bandaríkjunum frá covid-harðstjórn

Flórída kom í veg fyrir, að Bandaríkin breyttust í líflæknisfræðilegt harðstjórnarríki í Covid-faraldrinum. Það fullyrti ríkisstjóri Flórída, Ron DeSantis, nýlega á þjóðþingi íhaldsmanna (mynd © Gage Skidmore).

Þótt elítan segi þér að gera eitthvað, þá þýðir það ekki að þú eigir að gera það

Bandaríska ríkið Flórída hefur verið griðastaður margra á meðan á Covid og „bólusetningarherferðinni“ stóð. Fólk hefur bókstaflega flúið þangað m.a. frá Kanada. Ron DeSantis, repúblíkanskur ríkisstjóri Flórída, beitti ekki sömu móðursýkislegu og miskunnarlausu þvingunum eins og gert var öðrum heimshlutum. DeSantis flutti ræðu á þingi íhaldsmanna í Aventur í vikunni og sagði þá, að Flórída lokaði ekki skólunum og þess vegna væru börn ríkisins núna á undan öðrum ríkjum:

„Við sýndum einfaldlega skynsemi. Þó að fjölmiðlar og elítan segi að þú eigir að gera eitthvað, þá þýðir það ekki að þú eigir að gera það. Við fylgdum gögnunum eftir og skoðuðum heildina. Ríki okkar stóð sig mun betur vegna þessa. Við höfnuðum elítunni og við höfðum rétt fyrir okkur.“

Lokuðu skólunum en láta núna eins og þeir hafi viljað að börnin færu í skólann

„Og núna reyna þeir að endurskrifa söguna og láta eins og að þeir hafi alltaf viljað að börnin færu í skólann. En þeir höfðu ekki bara rangt fyrir sér varðandi skólana. Valdhafarnir höfðu rangt fyrir sér varðandi lokun, þeir höfðu rangt fyrir sér varðandi faraldsfræðileg líkön, þeir höfðu rangt fyrir sér varðandi lögboðnar andlitsgrímur, þeir höfðu rangt fyrir sér varðandi eðlilegt ónæmi og þeir höfðu rangt fyrir sér varðandi virkni mRNA bóluefnanna.“

„Þessi elíta, sem kom fram í sjónvarpi og víðar, hafði rangt fyrir sér í nánast öllum mikilvægum málum. Og þeir höfðu rangt fyrir sér aftur og aftur. Við í Flórída virkuðum einnig sem vegatálmi gegn því, sem við hefðum annars orðið að mínu mati án forystu okkar – nefnilega líflæknisfræðilegu harðstjórnarríki. Sjáið hvað þeir reyndu að gera með hlutum eins og þvingandi bólusetningu og Covid-vegabréfum. Ef fólk eins og ég hefði ekki staðið upp og sagt nei við þessu, þá liti þetta land allt öðruvísi út í dag.“

Deila