Ríkislögreglustjóri Svíþjóðar, Anders Thornberg, segir að miklir fólksinnflutningar til Svíþjóðar og léleg aðlögun að sænska samfélaginu séu helstu ástæður þess, að glæpamennskunni hefur vaxið fiskur um hrygg á seinni árum. Frá þessu greinir Svenska Dagbladet.
Árin 2020 og 2021 voru um 100 manns drepnir í skotárásum í Svíþjóð. Anders Thornberg sagði í ræðu á Öryggisráðstefnunni Fólk og Varnir:
„Gróf skipulögð glæpastarfsemi, vopnað ofbeldi og sprengingar eru stærsta viðfangsefni sænsku lögreglunnar og alls samfélagsins. Uppgjör glæpahópa í skotárásum og sprengingum eru tákn þess, að glæpastarfsemin hefur aukist í umfangi.“
Fóru í 24.000 útköll vegna sjálfsmorða í fyrra
Ríkislögreglustjórinn segir ástandið grafalvarlegt:
„Ástæðurnar eru ýmsar. Mikil aukning eftir eiturlyfjum, hröð tækniþróun og stafræn tækni, aukinn fólksinnflutningur og skortur á aðlögun innflytjenda að samfélaginu.“
Thornberg vill sjá aukna félagslega þjónustu í útsettum hverfum og hærri refsingu fyrir skipulagða glæpastarfsemi. Hann segir of mikinn tíma lögreglunnar fara í að annast geðveika og útúrdrukkna:
„Það eru mjög margt ungmenna, ungir drengir og ungar stúlkur, sem líður mjög illa í landinu okkar. Við þurftum að fara í 24 þúsund útköll í fyrra vegna sjálfsmorða.“
