Franski prófessorinn Dr. Luc Montagnier sem fékk Nóbelsverðlaun í læknisfræði 2008 fyrir uppgötvun HIV, sem orsakar AIDS ásamt Francoise Barré-Sinoussi, segir í nýju podviðtali að veiran sem orsakar COVID-19 faraldurinn se búin til á rannsóknarstofu og hafi líklega sloppið frá rannsóknarstofunni í Wuhan af slysni. Telur prófessor Montagnier líklegast að rannsóknarstofan sem er þekkt fyrir rannsóknir á kórónaveirum, hafi verið að rannsaka bóluefni fyrir AIDS og blandað kórónaveiru við AIDS í því skyni. Dr. Luc Montagnier uppgötvaði HIV veiruna 1983.
”Ég og starfsfélagi minn lífefnastærðfræðingurinn Jean-Claude Perez, skilgreindum vandlega erfaðaeiginleika þessrar RNA veiru” segir Montagnier í viðtali við Dr Jean-Francois Lemoine fyrir daglegt pod Pourquoi Docteur. ”Indverskir vísindamenn hafa einnig reynt að birta niðurstöðu rannsókna sem sýndu að þessi kórónuveira innihélt genahluta úr annarri veiru…HIV veirunni (AIDS veiru) en þeir neyddust til að draga tilbaka niðurstöður sínar vegna þrýstings fjölmiðla um málið”.
Útvarp Saga greindi frá niðurstöðum indversku vísindamannanna og birti skýrslu þeirra á heimasíðu Sögu sem Nóbelsverðlaunahafinn staðfestir núna. Dr. Luc Montagnier fékk spurningu um hvort slys hefði getað orðið á þann hátt að kórónaveiran hefði tekið breytingum í sjúklingi smituðum af HIV: ”Nei, til þess að koma hluta HIV-veirunnar inn í erfðamassa kórónuveirunnar þarf að notast við mólekylverkfæri sem einungis eru til á rannsóknarstofum”.
Góðu fréttirnar eru þær að sögn Montagnier að ”Náttúran samþykkir ekki blöndun mólekyla og mun eyða þessum óeðlilegum breytingum og jafnvel þótt ekkert verði gert, þá munu hlutirnir ganga betur en því miður ekki fyrr en eftir mikinn fjölda látinna”.
Sjá nánar hér og hér
Hlusta má á podviðtalið við Nóbelsverðlaunahafann á frönsku hér
