Samkvæmt nýjum gögnum sem CBC vitnar í, er sagt frá að kínverska vísindakonan Dr. Xiangguo Qiu hafi sent dauðlegar Ebola og Henipah veirur frá Þjóðarrannsóknarstofunni í Winnipeg , Kanada, til Veirustofnunarinnar í Wuhan áður en veirufaraldurinn braust út í Wuhan.Dr. Xiangguo Qiu og eiginmaður hennar Keding Cheng ásamt kínverskum námsmönnum var vikið úr störfum P4 rannsóknarstofunnar grunuð um að hafa brotið reglur stofnunarinnar.
Opinberlega lýsa yfirvöld Kanada því yfir að sendingin sé á engan hátt tengd COVID-19 heldur hafi þetta verið „afgreiðsla á pöntun Veirustofnunar Wuhan á sýnishornum af Ebóla og Henipah veirum sem Lýðheilsustofnun Kanada (PHAC) sendi til vísindalegra rannsókna 2019”.
Sérfræðingar taka ekki þessa útskýringu yfirvalda Kanada trúanlega. Amar Attaran lögræðiprófessor og smitsjúdómafræðingur hjá Háskólanum í Ottawa segir: „Þetta er grunsamlegt, þetta er beinlínis lífshættulegt. Hér höfum við mál þar sem vísindamönnum er vikið úr starfi á rannsóknarstofu hæsta öryggisstigs í Kanada og yfirvöld vilja ekki ræða það. Upplýsingarnar eru leyndarmál. En við vitum að áður en Xiangguo Qiu var rekin, þá sendi hún eina af banvænustu veirum jarðar í margbreytilegum útgáfum til að hámarka breytingar erfðaeiginleika og árangur tilrauna á rannsóknarstofu í Kína sem vinnur að hættulegum tilraunum með veirur og er í beinum tengslum við kínverska herinn”.
Í Kanada er ekki bannað að vinna með erfðabreytingar veira í hernaðarlegum tilgangi til að skapa veirur sem eru hættulegar mannfólki. Opinberlega er hins vegar lýst yfir að slíkt sé ekki gert vegna þess að það er talið of hættulegt að sögn Attaran.
„Rannsóknarstofan í Wuhan framkvæmir hins vegar slíkar tilraunir og núna höfum við fært þeim Ebola og Nipah veirur. Maður þarf ekki að vera neinn snillingur til að skilja að þetta var ógáfuleg ákvörðun”.
