Verðbólgan nær nýjum hæðum í Svíþjóð: Verð á ýmsum matvörum hefur hækkað 20-30%

Verðbólgan er notuð til að fá okkur að hætta að borða kjöt, sem einungis elítan getur lagt sér til munns. Núna á almenningur að breyta neyslumunstri og borða grænmeti og bráðum koma pöddupakkar Bill Gates og ESB á borðið (mynd Tris T7 CC 3.0).

Kjötið bráðum matur yfirstéttarinnar – almúgurinn þvingaður til að breyta matarvenjum og gerast grænmetisætur

Verðbólgan geisar í aðildarríkjum Evrópusambandsins og sérstaklega varðandi matarverð. Verðhækkun fjölda matvæla er öfgakennd. Að sögn sænska sjónvarpsins, sem vitnar í tölur Matvælaverðseftirlitsins, þá hafa ýmsar matvörur hækkað um 25 %. En Svíar þurfa ekki að óttast neitt samkvæmt SVT, því fólk lækkar bara matarkostnaðinn með því að borða „þurrvörur og gerast grænmetisætur“ og einfaldlega breyta hegðun sinni – breyta „neyslumynstrinu.“

Hefur þú áhyggjur af matarverðinu? Þetta er kannski bara byrjunin. Matvælaverðseftirlitið skráði mestu verðhækkun matar Í júlí. SVT skrifar að sú verðhækkun ein hafi verið meiri en verðhækkun á matarvörum allt árið 2021.

Þetta gildir fyrir meðaltalshækkun allra vara. Ef einstakar vörur eða flokkar eru hins vegar bornir saman, þá er hækkunin miklum mun meiri. Það varðar aðallega samsöluvörur eins og ost og kjöt.

Það sem af er ári hefur matarfita eins og smjör/smjörlíki til dæmis hækkað um 25,5 %, crème fraiche og sýrður rjómi hefur hækkað 24,9 %, kjúklingur 23,8 %, ostur 22,1 %, mjólk og rjómi 22,1 %, egg 21,5 %, súrmjólk og jógúrt hefur hækkað um 19,8 %.

Í júní mældi OECD mestu hækkun matarverðs í næstum 50 ár

Skýringin er m.a. sú að kostnaður við hráefni, orku og flutninga hefur aukist vegna heimsfaraldursins svokallaða og óskynsamlegra refsiaðgerða Vesturlanda gegn Rússum en þær hafa slegið til baka eins og búmerang gegn Vesturlöndum.

En ástandið gæti verið verra. Það er viss seinkun á verðhækkununum. Hækkun sumra vara með dýrari framleiðslukostnaði hefur enn ekki skilað sér í hærra verði. En það mun koma.

Í framtíðinni er gert ráð fyrir meiri verðhækkunum m.a. á kjöti. Erik Glans hjá sænsku hagstofunni segir við SVT:

„Hækkanir munu verða á kjúklingum, svínakjöti o.s.frv. Fóðurverð hefur hækkað það mikið að það mun það smám saman hafa áhrif á neytendur. Fólk getur mætt þessu með því að kaupa mikið af þurrvörum, sem eru yfirleitt ódýrari. Það gengur eftir upp að vissu marki. Breyttu neyslumynstri þínu og borðaðu grænmeti.“

Deila