Nýjar upplýsingar streyma til okkar úr öllum áttum daglega um bóluefnin sem notuð eru gegn Covid-19. Það nýjasta er uppljóstrun Dr. Byram Bridle, veirusjúkdómasérfræðings og aðstoðarprófessors hjá háskólanum í Guelph, Kanada en hann segir í viðtali við Alex Pierson að læknavísindin hafi gert grundvallarleg mistök varðandi mat á próteininu, sem kórónuveiran ber inn í fólk. Upprunalega var talið að um „lykil“ Sars-veirunnar væri að ræða sem opnaði frumur mannslíkans og hleypti veirunni inn, sem gæti á þann hátt smitað og valdið skaða í líkamanum. En núna er komið í ljós, að sjálft próteinið í kórónunni er eiginn skaðvaldur og veldur eitt og sér alvarlegum blóðsjúkdómum.
Japanskir vísindamenn komust að skaðlegu eðli próteinsins – leyniskýrslu lekið frá Pfeizer
Rannsóknir japanskra fræðimanna á vegum lyfjarisans Pfeizers, sem birtar voru í leynilegri skýrslu, afhjúpa þessar hræðilegu staðreyndir. Þær sýna fram á, að próteinið staðnæmist ekki aðeins nálægt staðnum sem sprautunálin er sett í líkamann eins og áður var talið, heldur dreifist einnig með blóðinu út um allan líkamann. Próteinið veldur blóðtappa, hjarta- og heilaskemmdum, er stórskaðlegt börnum á brjóstagjöf og frjósemi. Leyniskýrslu Pfizer var lekið en þar stendur svart á hvítu að próteinið safnist m.a. sérstaklega í eggjastokkum kvenna auk lifurs og milta. Dr. Byram Bridle segir:
”Í stuttu máli er niðurstaðan sú, að við höfum gert stór mistök. Við gerðum okkur ekki grein fyrir því fyrr en núna. Við litum á gaddapróteinið sem frábæran mótefnavaka. Við vissum aldrei, að topppróteinið sjálft væri eiturefni og væri sjúkdómsvaldandi prótein. Þannig að með því að bólusetja fólk, þá erum við óviljandi að setja eitur í það og hjá sumum einstaklingum fer eitrið í umferð. Og þegar það gerist, þá getur það valdið skemmdum, sérstaklega í hjarta- og æðakerfinu.
Ég hef ekki tíma en margar aðrar lögmætar spurningar eru um langtímaáhrif bóluefnanna. Til dæmis með uppsöfnun eitursins í eggjastokkunum, þá er ein af spurningum mínum: „Munum við gera ungmenni ófrjó, sum þeirra ófrjó?“
Fjölmiðlar og netrisar hafa selt sig til lyfjarisanna – ritskoða allar „neikvæðar“ fréttir um bóluefnið
Þann 10. desember 2020 gerðu „Trusted News Initiative“ TNI, sem eru samtök margra helstu fjölmiðla og stórra netmiðla heims, samning um að leiða markaðsfærslu bóluefnanna á heimsvísu og berjast gegn dreifingu „skaðlegra falskra upplýsinga“ um bóluefnin. Þetta samkomulag sýnir, að mikill hluti fjölmiðlanna hefur selt sig til lyfjarisanna og vinnur ekki í þágu almennings. Einsleitur boðskapur um ágæti og nauðsyn bóluefna, sem eru framleidd á neyðarundanþágu á aðeins sjö mánuðum, er stöðugt í eyrum okkar sem eina lausnin við sjúkdóminn covid-19.
Boðskapurinn um bóluefnin grundvallast á því, að þau eru sögð örugg en rannsókn japönsku vísindamannanna sýnir, að gaddapróteinið fer beint út í blóðið, þar sem próteinið ræðst á æðaveggina og getur valdið blæðingum og blóðtappa. Próteinið safnast í líffærum eins og lifur, hjarta, nýrum, æxlunarfærum og milta. Það hefur fundist í heila og er talið geta valdið taugaskaða og heilablæðingu sem lesa má nánar um hér.
Próteinið ræðst á eggjastokka kvenna og veldur hættu á ófrjósemi
Einn alvarlegasti þátturinn í uppötvun japönsku vísindamannanna er að gaddapróteinið ræðst einna harðast að eggjastokkum kvenna, sem eykur hættu á ófrjósemi. Einnig fer próteinið í móðurmjólkina. Dr. Byram Bridle sendi út viðvörun til alheimsins á YouTube þann 30. maí og sagði: „Við gerum unga fólkið ófrjósamt!“
Hver útkoman verður í þessari bólusetningarherferð lyfjarisanna og stjórnmálamannanna á eftir að sýna sig. Við skulum bara vona að ekki fari fyrir mannfólkinu eins og tilraunadýrunum sem sprautuð voru með MRNA: Öll tilraunadýrin drápust.
Sjá nánar hér
