Lagaheimspekingurinn Eva Vlaardingerbroek var nýlega í viðtali hjá Mark Steyn, GB News, og sagði þá skoðun sína á yfirlýsingu hollensks bankastjóra um að innleiða stafræn „kolefnisveski“ fyrir Hollendinga (sjá myndband neðar á síðunni).
Að sögn Vlaardingerbroek er verið að setja reglur um kolefnisfótspor einstakra meðborgara, sem algjörlega fylgir áætlun glóbalistanna innan World Economic Forum:
„Lögin munu innihalda allt það, sem ríkisstjórnin vill vita um þig. Ríkt fólk sem fer oft í frí getur þá keypt kolefnisinneignir af fólki, sem hefur ekki efni á kaupa sér flugmiða eða borða kjöt. Þannig er hægt að skipta kolefnislosunarkvóta á milli manna. Hinir ríku verða ríkari og hinir fátæku fátækari. Og þeir segja þetta algjörlega opinskátt rétt eins og að engar deilur séu um málið. Þetta er ný leiguliðastefna.“
Hættið að andskotast í einkalífi mínu!
Vlaardingerbroek bendir á, að glóbalistarnir segja að hér sé einungis um hugmyndatilraun að ræða. En allir eru augljóslega ekki hressir með þessa „kommúnísku hugmyndafræði“ sem sjónvarpið segir að sé „góð hugmynd.“ Mark Steyn bendir á, að „glóbalistarnir“ segjast vera að „bjarga jörðunni“ í því skyni að fá fólk til að gangast að stafrænum „lausnum“ þeirra. Einnig er sagt, að stafræn seðlaveski og skilríki „einfaldi“ líf fólks.
Að mati Evu Vlaardingerbroek, sem er með meistaragráðu í lagaheimspeki við háskólann í Leiden í Hollandi og varð Svíum kunn þegar hún tók þátt í Youtube-rás Svíþjóðardemókrata, Riks, þá er kominn tími til að fólk rísi upp.
„Þeir opinbera hina raunverulegu dagskrá sína. Auðveldasta leiðin til að ná fylgi nútímafólks er að segja. að lífið verði þeim þægilegra. Vandamálið – og ég vona að fólk sé farið að átta sig á því – er, að ríkisstjórnin getur lokað á þig. Þessi hamborgari eða flugferð er ekki fyrir þig! Við ættum að taka mark á orðum þeirra og segja „Til fjandans með þetta.“ Við verðum að stöðva þessa kommúnista strax. Hættið að andskotast í einkalífi mínu! Þeir eiga ekki að ákveða hvað ég borða eða hvert ég ferðast.“
Hlusta má á viðtalið á myndbandinu hér að neðan