Það ætti að skipa óháða nefnd til þess að fara ofan í starfsemi útgerðarrisanna og fara mjög gaumgæfilega ofan í viðskiptahætti þeirra og kanna um leið hvort sjómenn hafi verið hlunnfarnir um laun. Þetta var meðal þess sem fram kom í máli Vilhjálms Birgissonar formanns Verkalýðsfélags Akraness í síðdegisútvarpinu í dag en hann var viðmælandi Péturs Gunnlaugssonar.
Vilhjálmur bendir á að grunur leiki á að útgerðir setju meðal annars verð á loðnu þannig upp að útgerðirnar fái sem mest á meðan sjómenn fá ekki í sinn hlut það sem þeim ber og að sama skapi fái hið opinbera ekki þá skatta sem því ber.
Hann gagnrýnir aðgerðarleysi stjórnmálamanna í málinu og bendir á að stjórnmálamenn hafi fullt vald til þess að kalla stjórnendur stórútgerða fyrir og spyrja gagnrýnna spurninga en staðreyndin sé að stjórnmálamenn séu hræddir við að taka á málinu.
Þess vegna telur Vilhjálmur að skipa þurfi nefnd til þess að rannsaka starfsemi stórútgerðanna
„ og þessi nefnd þyrfti að hafa víðtækar valdheimildir, til dæmis til þess að geta nálgast gögn„
Hlusta má á þáttinn í spilaranum hér að neðan