Verkefni Sannleikans „Project Veritas“ í Bandaríkjunum tók nýlega upp leyniviðtal við þrjá vísindamenn frá Pfizer og birtir í nýjusta þætti um „Covid-19 bóluefnin.“ Í 10 mínútna myndbandi (sjá neðar á síðunni), sem birt var á mánudagskvöld, voru allir þrír vísindamennirnir sammála um að náttúruleg mótefni sem myndast eftir Covid-19 sýkingu séu betri en bóluefnin.
Þeir sem hafa sjálfir myndað ónæmi gegn veirunni eru líklega með fleiri mótefni gegn veirunni en þeir sem láta bólusetja sig
Vísindamaðurinn Nick Karl segir: „Þegar einhver verður ónæmur á eðlilegan hátt – eins og þeir, sem hafa fengið COVID, þá eru þeir líklega með fleiri mótefni gegn veirunni … Þegar þú færð veiruna, þá byrjar þú að framleiða mótefni gegn mörgum hlutum hennar… Svo, mótefnin þín eru líklega betri á þeim tímapunkti en bólusetning. New York þarf bólupassa og allt mögulegt. Þetta snýst bara um að gera hlutina eins óþægilega fyrir óbólusett fólk, þar til það segir ég get þetta ekki lengur og læt bólusetja mig, þú skilur.“
Athygli vekur, að ísraelsk rannsókn sem Science Magazine greindi frá í lok ágúst, sýnir, að náttúrulegt ónæmi eftir að hafa náð sér eftir Covid-19 sjúkdóm býður upp á mun betri vernd gegn delta afbrigði veirunnar en þau bóluefni sem yfirvöld bjóða upp á.
Annar starfsmaður Pfizer, vísindamaðurinn Chris Croce, endurgaf frásögn Nick Karls og sagði, að þeir sem hefðu þróað eðlilegt ónæmi séu „líklega meira“ varðir gegn veirunni en hefðu þeir verið bólusettir.
Blaðamaður Veritas: „Þannig að ég er vel varinn [með mótefnum]?”
Chris Croce, prófessor hjá Pfizer: „Já.”
Blaðamaður Veritas: „Í eins miklum mæli og ef ég væri bólusettur?”
Croce: „Sennilega meira.”
Blaðamaður Veritas: „Hvernig getur það verið? Og hversu miklu meira? ”
Croce: „Þú ert líklega verndaður til lengri tíma, þar sem þetta voru eðlileg viðbrögð.”
Croce ráðleggur síðan leynilegum blaðamanni Veritas að „bíða“ með að að láta bólusetja sig, þar til náttúrulegt ónæmi hennar minnkar, vegna þess að hún hefur þegar fengið Covid-19.
Pfizer þrýstir á starfsmenn að leyna neikvæðum upplýsingum fyrir almenningi
Þriðji vísindamaður Pfizer, Rahul Khandke, segir, að Pfizer þrýsti á starfsmenn að leyna neikvæðum upplýsingum fyrir almenningi.
„Okkur er gert og kennt að segja að „láta bólusetja sig er öruggara en að verða veikur í COVID.“ Við urðum að halda óteljandi námskeið um þetta. Þú hefur ekki hugmynd. Eins þurfum við að sitja klukkutímum saman og heyra þú mátt ekki ræða þetta opinberlega,“ sagði Khandke, sem einnig var sammála um mótefnin. „Ef þú hefur byggt upp mótefni gegn COVID, geturðu sannað að þú hafir byggt þau upp,“ sagði hann.
Croce viðurkenndi samtímis, að Pfizer framkvæmir prófanir til að ákveða, hvort bóluefni þeirra valdi hjartavöðvabólgu hjá yngri einstaklingum.
„Já, við erum að gera það, við tókum 3000 sýni úr sjúklingum til að mæla hækkun á trópónínmagni (til að greina hjartaáfall) til að athuga, hvort það væri vegna bóluefnisins – eða þannig …“
Hvað ætli verði um þessa frásagnarmenn sannleikans, sem ákváðu að vera afskaplega hreinskilnir við blaðamann Project Veritas?
