Það er beðið efti bóluefninu með mikilli eftirvæntingu enda gæti það haft mjög jákvæð áhrif á efnahagslífið í landinu því þá getur atvinnulífið hafist með eðlilegum hætti á nýjan leik. Þetta var meðal þess sem fram kom í máli Vilhjálms Birgissonar formanns Verkalýðsfélags Akraness í síðdegisútvarpinu í dag en hann var viðmælandi Péturs Gunnlaugssonar.
Vilhjálmur segir að hann búist við því að atvinnulífið verði komið í nokkuð eðlilegt horf um mitt næsta ár að því gefnu að byrjað verði að bólusetja í janúar. Hann segir að það verði þó ljóst að það muni taka töluvert langan tíma fyrir atvinnulífið og efnahaginn að ná fyrri styrk en sá dagur muni þó koma. Hann bendir á að skattalækkanir til handa atvinnulífinu þegar hjólin fari að snúast á ný gæti flýtt fyrir því að atvinnulífið nái fyrri styrk á ný
“ ástandið er sýnu verst núna í ferðaþjónustunni eðli málsins samkvæmt„.
Því þurfi að horfa til annara atvinnugreina segir Vilhjálmur og segist hafa töluverðar áhyggjur af stöðu stóriðjnnar
“ þessi fyrirtæki kaupa raforku fyrir háar upphæðir og kaupa mikla orku, menn geta borð saman að allt rafmagn sem notað er á heimilum á höfuðborgarsvæðinu öllu nær ekki því sem álverið í straumsvík notar og við getum ímyndað okkur hvað mikið tap það er ef það lokar„.
Hlusta má á viðtalið í spilaranum hér að neðan.