Að fólk biðji oftar fyrir lífi sínu í Svíþjóð virðist ekki raska ró sænsku ríkisstjórnarinnar hið minnsta, sem ekki eyðir 1 sænskri krónu í aukin framlög til lögreglu né réttarfarskerfis af öllum þeim milljörðum sek sem lánaðir hafa verið til fjárlaganna. Ofbeldið eykst allan tímann, 228 skotárásir og 125 sprengjutilræði á fyrstu sex mánuðum ársins. Hér eru nokkrir ofbeldismolar undanfarna daga í hinu fallega landi Línu langsokks og Emils í Kattholti:
Skotárásir 14. – 26. septemer 2020
14. sept. Skotárás við skóla í suður Stokkhólmi. Maður í lífshættu, dó daginn eftir.
15. sept. Skotárás í Malmö. Særður maður fluttur á sjúkrahús. Fleiri handteknir.
15.sept. Skotárás í Örebro. Lögreglann fann tóm skothylki.
16. sept. Skotárás í Norrköping. Særður maður á sjúkrahús.
17. sept. 16 ára drengur skotinn til bana í Eskilstuna. Lögreglan lokaði stórum hluta bæjarins.
17. sept. Ungur maður drepinn í skotárás við skóla í Nyköping.
17. sept. Maður drepinn í skotárás á göngubrú í Suður-Stokkhólmi.
18. sept. Skotárás N-Stokkhólmi, lögreglan fann skothylki.
18. sept. Skotárás í Malmö, lögreglan rannsakar morð.
19. sept. Skotárás í íbúðarhverfi, maður drepinn í Västerås.
20. sept. Skotárás í Stokkhólmi. Skotið á íbúðarhurð.
21. sept. Skotárás á sumarhús í Upplands Bro fyrir norðan Stokkhólm. Lögreglan fann skothylki.
24. sept. Skotárás í Borås. Lögreglan rannsakar morðtilræði.
24. sept. Skotárás í íbúðarhverfi í N-Stokkhólmi. Alvarlega særður maður á sjúkrahús.
24. sept. Skotárás í Kungsbacka. Særður maður á sjúkrahús.
25. sept. Skotárás í íbúðarhverfi í Malmö, lögreglan rannsakar morðtilræði.
25. sept. Skotárás í Tyresö, lögreglan rannsakar morðtilræði.
26. sept. Skotárás á bíl með fólki sem komst undan kúlunum í Gautaborg. Lögreglan rannsakar morðtilræði.
Sprengjuárásir í september
6. sept. Sprengja í fjölbýlishúsi í N-Stokkhólmi. Íbúar fluttir á brott, töluverðar skemmdir. Enginn slasaður svo vitað sé.
7. sept. Sprengja á þriðju hæð í fjölbýlishúsi í N-Stokkhólmi. Enginn slasaður svo vitað sé.
14. sept. Sprengja við fjölbýlishús í N-Stokkhólmi. skemmdir en enginn slasaður.
24. sept. Sprengja við fjölbýlishús í Uppsala. Enginn slasaður.
24. sept. Sprengja við fjölbýlishús í Landskrona. Enginn slasaður en skemmdir á framhlið hússins.
Bílaíkveikjur, fjöldaslagsmál m.fl.
Að kveikja í bílum hefur aukist um 50% á tíu árum að sögn Svenska Dagbladet.
Hér má sjá lista Dagens Nyheter yfir nokkrar bílaíkveikjur á árinu. Í nýjustu bílaíkveikjunni s.l. föstudagskvöld 25. sept. eyðilögðust 178 bílar í Nordmaling í N-Svíþjóð. Íbúðarhús brennt í leiðinni. Verið að rannsaka eldsupptök.
Fáein dæmi um fjöldaslagsmál í Kungsbacka, i Västerås, í Gautaborg, i Töreboda, í Malmö, í Uppsala og í Stokkhólmi. Fjöldaslagsmál milli ólíkra hópa innflytjenda með hnúum og vopnum fjölgar stöðugt.
Lögreglan varar við stríði erlendra glæpahópa í miðri Gautaborg
Samkvæmt nýrri lögregluskýrslu sem GT hefur séð, þá varar lögreglan í Gautaborg við vopnuðum stríðsátökum milli „innfluttra glæpahópa á eiturlyfjamarkaðinum.“ Um er að ræða innflytjendur, unga menn, frá löndum eins og Afghanistan, Sýrlandi og Sómalíu. Blaðið segir álíka auðvelt að kaupa eiturlyf í Gautaborg eins og mat í matvöruverslunum. Glæpahóparnir stunda daglega rán, opinberlega um 3 á dag.
„Síendurteknir bardagar eru á milli ungra Afghana og Sýrlendinga og einnig Sómala í miðborg Gautaborgar, þar sem slegist er um bestu staðina fyrir eiturlyfjasöluna.“ Slegist er með hnífum og bareflum en núna segir lögreglan að að gripið verði til skotvopna í staðinn.
„Svíar gleyma því oft að mikill ágreiningur er milli þessara hópa frá þeim löndum sem þeir koma frá. Það getur verið samkeppni milli Afghana og Araba eða Sómala sem eru kúgaðir af Aröbum og Afghönum“ segir Per Brinkemo sérfræðingur í glæpamálum og bendir á að „innflytjendur standi saman á sama grunni til að ná betri stöðu í samkeppni glæpamennskunnar.“
