WHO og Lyfjastofnun ESB vara núna við því, að örvunarsprautur geti brotið niður ónæmiskerfi fólks

Endurteknar bóluefnasprautur geta brotið niður ónæmiskerfi fólks í staðinn fyrir að efla það. Þessi viðvörun kemur núna frá lyfjastofnun ESB „European Medicines Agency“ EMA að sögn Bloomberg.

Þá hefur WHO einnig sent frá sér tilkynningu um að ekki sé ráðlegt að endurtaka örvunarsprautur með upprunalegu bóluefninu. Það er sérfræðingahópur WHO „Technical Advisory Group on Covid-19 Vaccine Composition (TAG-Co-VAC)“ sem sendir frá sér slíka aðvörun.

Samkvæmt EMA geta auknir örvunarskammtar fjórða hvern mánuð brotið niður ónæmiskerfið og skapað álag fyrir líkamann. Marco Cavaleri yfirmaður hjá EMA, sem sér um bólusetningarmál segir:

„Það er hægt að gefa örvunarsprautu einu sinni, kannski tvisvar, en það á alls ekki að endurtaka þær allan tímann.“

Gjörbreytt stefna á einum mánuði

Lyfjastofnunin EMA ráðleggur að lengri tími líði á milli örvunarsprauta og gefa þær þá í byrjun vetrar.

Þetta er alfarið annar boðskapur en EMA kom með fyrir rúmum mánuði síðan, þegar EMA sagði, að gefa ætti örvunarsprautur eftir þrjá mánuði.

Í Svíþjóð er búist við því, að Lýðheilsan muni stytta tímann á milli bólusetningarsprautu tvö og þrjú frá sex í fimm mánuði. Þetta gildir þegar í dag í sumum lénum Svíþjóðar eins og Västerbotten.

Anders Tegnell hjá Lýðheilsu Svíþjóðar segir að: „Markmiðið með styttri tíma á milli bólusetninga er að fleiri geti orðið bólusettir fyrr. Lénin eiga ekki að þurfa að vera með ónotað magn bóluefna.“

Athugasemd vegna fyrirsagnar um ónæmiskerfið

Glöggur hlustandi kom með þá ábendingu á Facebook síðu Útvarps Sögu, að „Bloomberg-fréttaveitan breytti orðalagi greinarinnar. Eru að tala um ónæmissvörun en ekki ónæmiskerfið. “(Changes headline and first two sentences to clarify EMA is referring to the immune response not immune system).”

Við þökkum fyrir athugasemdina, sem er hér með komið á framfæri með hlekk beint á fréttina hjá Bloomberg sem notar orðin „immune response“ eða ónæmissvörun. Eins og segir í fréttinni ofan hefur EMA breytt um þá stefnu, sem stofnunin hafði fyrir rúmum mánuði síðan en þá rak stofnunin áróður fyrir að örvunarbólusetningar gætu og ættu að fara fram á þriggja mánaða fresti. Núna kemur EMA með þá viðvörun ásamt WHO að of tíðar bólusetningar geti virkað neikvætt á ónæmisviðbrögð líkamans, sem þýðir að ónæmiskerfið geti brugðist harkalega við of tíðum bólusetningum. Talað er um „álag“ á líkamann.

Við fylgjumst með þessarri þróun og umræðum um samband bóluefna við ónæmiskerfið, hvort sem um er að ræða svörun ónæmiskerfisins eða ónæmiskerfið sjálft. Miklar tilkynningar um hættulegar aukaverkanir bóluefnanna gætu hafa legið til grundvallar breyttrar stefnu WHO og EMA. Meira um það síðar. Gústaf Skúlason.

Deila