Lýðheilsan í Svíþjóð tilkynnti í vikunni, að frá og með 1. desember n.k. muni verða krafsit bólupassa til að fá að vera með á samkomum með fleiri en 100 einstaklingum. Ákvörðunin hefur vakið mikla reiði og í lok vikunnar höfðu fleiri en 500 kærur borist til dómsmálaráðuneytisins vegna ákvörðunar yfirvalda. Frá þessu greinir Göteborgs Posten.
Ákærendur meina, að ákvörðunin gangi gegn stjórnarskránni og lýðræðinu. Blaðið Mitt i birti afstöðu nokkurra ákærenda, einn þeirra skrifar:
Ég kæri Lýðheilsuna fyrir mismunun á fólki, sem af ýmsum læknisfræðilegum ástæðum, kynþátta-, kynferðis- og aldursástæðum vilja ekki eða geta ekki látið bólusetja sig.
Annar skrifar:
Áður hafa lokanir snert alla frá að fara í leikhús, á tónlist, íþróttir, fundafrelsið m.m. hefur verið takmarkað fyrir alla. Þannig er það ekki í þetta sinn og ákvörðunin því gróft aðskiljandi gegn þeim íbúum sem ákvörðunin nær yfir.
Sá þriðji skrifar:
Læknisfræðileg aðskilnaðarstefna sem brýtur gegn stjórnarskránni.
Sá fjórði segir hlutina hreint út:
Þið gjörspilltu fábjánar. Engan bólupassa í Svíþjóð!!!
Lögfræðingar sammála: Stríðir gegn stjórnarskránni
Í umræðuinnleggi í Löfgræði Dagsins skrifa lögfræðingarnir Axel Berglund, Elnaz Madani, Ida Kjos, Elisabeth Bernin, Rebecca Ahlstrand, Ruth Nordström og Fatemeh Pakyari að bólupassinn stríði gegn stjórnarskránni:
Skoðun okkar er sú, að tillagan gætir ekki hlutfallsregla burtséð frá ástandi smitdreifingar og stríðir þar með gegn stjórnarskránni, Evrópusamþykktinni og reglum ESB um grundvallar mannréttindi og þess vegna á ríkisstjórnin að draga tillögu sína til baka.