Yfir 90% íbúanna samþykkir að svæðin sæki um inngöngu í Rússland
Íbúar alþýðulýðveldanna Luhansk og Donetsk og Kherson- og Zaporizhia-héraða hafa með yfirgnæfandi meirihluta samþykkt að verða hluti Rússlands. Þjóðaratkvæðagreiðslurnar, sem Rússar telja mjög mikilvægar og fullkomlega lögmætar, hafa verið fordæmdar af Vesturlöndum og svik og brot á alþjóðalögum.
Á öllum fjórum svæðunum unnu íbúar hliðhollir Rússlandi stóran sigur og samþykktu með miklum mun að sækja formlega um aðild að Rússlandi. Í alþýðulýðveldunum Donetsk og Luhansk kusu u.þ.b. 99 % og 98 % aðild að Rússlandi og í Zaporizhia og Kherson naut aðild að Rússlandi stuðnings 93 % og 87 %.
Á svæðunum fjórum og einnig í Rússlandi er litið á niðurstöðuna sem frábæran sigur. Búist er við að Vladimír Pútín Rússlandsforseti ávarpi þjóðina á föstudag og tjái sig um niðurstöðurnar.
Yfirvöld í Rússlandi segjast munu tafarlaust hefjast handa þegar umsóknir berast formlega frá svæðunum
Rússar staðfesta að ferlið við inngöngu svæðanna í rússneska ríkið gæti hafist strax í næstu viku. Nokkrir af leiðtogum svæðanna hafa einnig lýst því yfir, að þeir muni sækja um að verða tekin inn í Rússlandi eins fljótt og auðið er.
Í Úkraínu og á Vesturlöndum er tónninn allt annað en jákvæður. Þjóðaratkvæðagreiðslunum er hafnað sem svikum og sagðar brjóta alþjóðalög. Mikill fjöldi vestrænna stjórnmálamanna hefur fordæmt bæði skoðanakannanir og niðurstöður og halda því fram, að Rússar séu að reyna að lögfesta hernáms úkraínsks landsvæðis með vopnum.
Úkraína og bandamenn lýsa því yfir, að umrædd svæði tilheyra Úkraínu – burtséð frá niðurstöðum atkvæðagreiðslnanna. Yfirvöld í Úkraínu tilkynna einnig, að þau muni halda áfram að frelsa hernumin svæði frá Rússlandi.
Þingið og forsetinn þurfa að samþykkja umsóknirnar
Búist er við að ferlið við að samþætta nýju svæðin sem hluta af Rússlandi taki nokkurn tíma, því bæði þingið og forsetinn þurfa að samþykkja umsóknir svæðanna. Dmitry Peskov talsmaður Kreml, Dmitry Peskov, segir rússnesk yfirvöld vinna að því, að málin gangi hratt og vel fyrir sig.
Fyrst verða lýðveldin og fylkin að senda umsóknir sínar til Moskvu, síðan þarf Rússlandsforseti að upplýsa þingið og ríkisstjórnina um málið. Ef umsóknirnar verða samþykktar, þá hefst ferlið við gerð hinna ýmsu samninga sem sameiningin krefst eins og um stöðu landsvæðanna, ríkisborgararétt, löggjöf, valdbeitingu, stjórnarhætti m.fl.
