Melissa Fleming, framkvæmdastjóri „alþjóðasamskipta“ hjá SÞ, segir nú frá því hvernig hún fékk Google til að hreinsa burtu leitarniðurstöður um loftslagsógnina svo kölluðu, sem pössuðu ekki við útgáfu Sameinuðu þjóðanna.
Það var á fundi um „falsupplýsingar“ á vegum World Economic Forum sem Melissa Fleming, aðstoðarframkvæmdastjóri alþjóðasamskipta hjá Sameinuðu þjóðunum, talaði um starf sitt. Hún heldur því fram að „loftslagsvísindin séu eign SÞ“ og fólk eigi að aðstoða SÞ við að færa út boðskapinn um loftslagsógnina.
„Við höfum hafið samstarf við Google. Til dæmis, ef þú gúglar „loftslagsbreytingar“ þá færðu ýmsar mismunandi niðurstöður frá SÞ efst. Við byrjuðum á þessu samstarfi vegna þess, að okkur brá að sjá ótrúlega mikið af brengluðum upplýsingum koma upp á toppinn, þegar við gúgluðum „loftslagsbreytingar.“
Hún heldur áfram:
„Við erum því farin að vinna miklu meira á fyrirbyggjandi hátt. Við eigum vísindin og teljum að heimurinn eigi að vita af því og það gera netmiðlarnir líka sjálfir. Þetta er mikil áskorun og allir hlutar samfélagsins þurfa að vera mjög virkir í þessu.“
