Samkvæmt Forbes veigrar „yfirþyrmandi hátt hlutfall“ lækna og heilbrigðisstarfsfólks í Bandaríkjunum við að bólusetja sig gegn veirunni. Í könnun Medscape segja tveir þriðju hlutar þeirra lækna sem tóku þátt í könnuninni að þeir munu ekki láta bólusetja sig fyrr en klínískum rannsóknum er lokið sem reiknað er með að verði í lok árs 2023.
60% starfsmanna heilsuheimila í Ohia vilja ekki bólusetja sig
Bandaríkin eru skrefi á undan Evrópu í bólusetningum og þar hefur starfsfólki sjúkrahúsa og annarra heilsustofnana verið boðið að vera í forgangi við bólusetningu. En fréttir berast um að margir innan heilbrigðisstarfsstétta vilji ekki láta bólusetja sig, þar sem þeir hafa áhyggjur af því að aukaverkanir, sem ekki eru þekktar í dag, eigi eftir að koma seinna í ljós. Samkvæmt Forbes er „yfirþyrmandi hátt hlutfall“ lækna og starfsmanna í heilbrigðisstörfum annað hvort efins um nýja bóluefnið eða hafa ákveðið að taka það ekki. LA Times segir frá mörgum dæmum um m.a. starfsfólk sjúkrahúsa sem vilja ekki láta bólusetja sig. Nefnir blaðið sjúkrahús í Kaliforníu þar sem meirihluti 700 starfsmanna ætlar ekki að taka sprautuna. Í Ohio neita um 60% starfsmanna heilsuheimila að láta bólusetja sig. Svipaðar fréttir berast frá Georgia.
63% lækna vilja ekki nota bóluefni nema að klínískum rannsóknum sé lokið
Í stórri könnun meðal lækna í Bandaríkjunum sem Medscape framkvæmdi s.l. haust, voru skráðir notendur Medscape spurðir hvort þeir myndu sjálfir taka bóluefni gegn covid-19 áður en þriðji hluti klínískra rannsókna væri gerður, ef bóluefnið væri viðurkennt af FDA lyfjayfirvöldum Bandaríkjanna með stoð í sérstökum neyðarreglum. Einungis 17% sögðust viljugir að bólusetja sig en 63% sögðust ekki vilja taka slíkt bóluefni. 19% voru óákveðnir. Enn er klínískum rannsóknum ólokið á bóluefnum Pfizer og Moderna sem nú er notað til bólusetningar í heiminum.
Í annarri bandarískri könnun Kaiser Family Foundation sem gerð var í desember kemur í ljós að hlutur starfsfólk heilbrigðisþjónustunnar sem ekki ætlar að láta bólusetja sig er ívið hærra eða 29% samanborið við 27% hjá almenningi.
Dæmi um andlát tengd bólusetningu
Töluvert hefur verið um aukaverkanir og til og með andlát vegna bóluefna Pfeizers og Moderna, hér eru nokkur dæmi: 32 ára læknir í Mexíkó fékk svo kallað encefalomyelit eða heilahimnu- og hryggmergjarbólgu og fór beint á gjörgæslu eftir bólusetningu með bóluefni Pfeizers. Læknir í Boston fékk ofnæmiskast eftir bólusetningu með bóluefni Moderna. Hjúkrunarkona í Tennesse sem var ein þeirra fyrstu sem fékk bóluefni Pfeizers féll í yfirlið í beinni sjónvarpssendingu rétt eftir bólusetninguna. Í Portúgal leið yfir starfskonu sjúkrahúss, sem að öllu jöfnu var stálheilbrigð, 48 stundum efti að hún fékk bóluefni Pfeizers. Á Íslandi sögðu yfirvöld frá andlátum nokkurra eldri borgara í kjölfar bólusetningar með Pfeizer bóluefni og í Svíþjóð er a.m.k. eitt dæmi slíkt dæmi þekkt.
Klínískum rannsóknum fyrst lokið árið 2023
Yfirvöld Bandaríkjanna hafa lýst yfir áhyggjum yfir því hversu margt starfsfólk í heilsustéttum hafna bólusetningu. Til að mynda lýsti Anthony Fauci yfirmaður Sóttvarnarstofnunar Bandaríkjanna (National Institute of Allergy and Infecious Diseases) að efasemdir gegn bóluefninu muni aukast hjá íbúunum, þegar svo margir í heilbrigðisgeiranum láta ekki bólusetja sig.
Venjulega verða bóluefni að hafa farið í gegnum þrjá kafla í framleiðsluferlinu til þess að verða viðurkennd af heilbrigðisyfirvöldum og sett á markað. Núna hafa yfirvöld heimilað notkun bóluefna Pfeizers og Moderna án þess að rannsóknum skv. kafla þrjú sé lokið. Bæði lyfjafyrirtækin eru í klínískum rannsóknum í kafla þrjú á þeim bóluefnum sem nú eru í notkun. Pfeizer lýkur sínum rannsóknum fyrst ár 2023.
Sporin hræða vegna aukaverkana flýtimeðferðar bóluefna
Vegna þess að klínískum rannsóknum er ekki lokið á bóluefnunum er ekki vitað í augnablikinu hversu lengi bóluefnin vernda gegn covid-19. EMA skrifar á heimasíðu sinni að „Ekki er vitað eins og er hversu lengi vörnin varar sem Comirnaty veitir.“ Comirnaty er nafnið á bóluefni Pfeizers. Það er einnig óþekkt hvaða aukaverkanir geta komið í ljós til lengri tíma litið. Meðal aukaverkana sem taldar eru upp á pökkunarseðlum Comirnaty er Bells pares nefnt sem útvarp SAGA hefur áður greint frá, sem er tímabundin eða langvarandi andlitslömun. Sagt er að allt að einn af tíu þúsund einstaklingum geti fengið sjúkdóminn. Í fyrra skiptið sem bóluefni gegn svínainflúensu var tekið í notkun án þess að nægjanlegar rannsóknir voru gerðar, þá fengu hundruði Svíar langvarandi taugasjúkdóm.
