Ásakanir streyma inn frá vinstri-frjálslyndum aðilum um að hægri öfgastefnur séu að breiðast út um allt og að stjórnin í Rússlandi skipuleggi umfangsmiklar áhrifaaðgerðir með vélmennum, sem birta falsfréttir á samfélagsmiðlum undir nöfnum öfgahægrisinnaðra sendenda. Núna lítur hins vegar út fyrir, að um falsaðgerðir vinstri-frjálslyndu þýsku ríkisstjórnarinnar sé að ræða, sett á svið til að sverta niður íhaldssama stjórnarandstöðu innan landsins og alls ESB.
Stjórnvöld nota nettröll til að breiða út falskar ásakanir
Þýska dagblaðið Süddeutsche Zeitung kemur með fréttirnar og er m.a. miðlað á ensku af Breitbart. Sagt er, að um sé að ræða hundruð reikninga á samfélagsmiðlum, sem eru í nafni fólks með hægriöfgaskoðanir en eru raunverulega tröllaverksmiðjur undir stjórn þýsku ríkisstjórnarinnar. Falsreikningarnir eru sagðir vera á nokkrum samfélagsmiðlum eins og Twitter, Telegram, Instagram og Gettr.
Þetta er engan veginn í fyrsta skipti, sem ríkisstjórnir hafa verið afhjúpaðar fyrir að nota nettröll til að hafa áhrif á stjórnmálin í eigin þágu. Fyrr á þessu ári var FBI harðlega gagnrýnt, eftir að fregnir bárust um, að einn af falsreikningum FBI sviðsetti áætlun um að ræna ríkisstjóra Michigan, Gretchen Whitmer.
Samkvæmt Süddeutsche Zeitung stendur stofnun til verndar stjórnarskrárinnar í Þýskalandi að baki mörg hundruð reikningum, sem lýsa öfgafullum skoðunum meðal annars til að lauma sér inn í hópa sem stjórnvöld vilja njósna um.
Að sögn hefur stofnunin greitt starfsmönnum til að opna reikninga í nafni annarra og þykjast vera með róttækar skoðanir. Eru það ekki einungis hægri öfgaskoðanir heldur einnig að vissu leyti vinstri- og múslímskar öfgaskoðanir.
Þýska alríkisstjórnin telur einnig efasemdir um fjöldabólusetningu gegn covid vera öfgafullar og reynir á sama hátt að lauma sér inn þær umræður með fölskum reikningum á samfélagsmiðlum. Jafnframt á ríkisstjórnin að hafa plantað sér í hópa sem efast um réttmæti Sambandslýðveldisins Þýskalands til að ráða yfir öllum ríkjum landsins.
Sálfræðingar notaðir til að kenna tröllunum að hafa áhrif og einnig til að njósna um hvort viðkomandi geti stundað starfið
Til þess að látast vera sannir vinir, sem hafa raunveruleg áhrif á pólitíska atburði, þá taka sum tröllin virkan þátt í að tala fyrir og dreifa róttækri hugmyndafræði þeirra, sem þeir tengjast. Talið er að mikilvægt að „mata bóluna“ til að byggja upp traust meðal aðgerðasinna, sem verið er að njósna um.
Samkvæmt uppljóstruninni hafa þeir, sem yfirvöld hafa ráðið til að opna tröllareikninga, einnig fengið leyfi til að brjóta lög og fremja glæpi í því skyni að virðast trúverðugir. Einn af blaðamönnum Süddeutsche Zeitung, Ron Steinke, tjáir sig um þetta:
„Margir sem verða fórnarlamb öfgahægrisinnaðs nethaturs yrðu líklega hissa, ef þeir vissu hvað er verið að birta og líka við fyrir hönd ríkisins.“
Samhliða tröllum til að reka falska reikninga á samfélagsmiðlum, þá hefur þýska ríkisstjórnin einnig ráðið sálfræðinga til að aðstoða viðkomandi starfsmenn með ráðleggingum um, hvernig best sé að hafa áhrif á fólk og hvernig eigi að takast á við streitu starfsins. Sálfræðingunum er einnig ætlað að njósna um rekstraraðilana og tilkynna til stjórnvalda ef grunur leikur á, að einhver þeirra sé að verða róttækur í alvöru eða sannfærður um að rök hreyfingarinnar, sem þeir segjast ranglega standa fyrir, séu gild.
Yfirvöld skulu hafa viðurkennt, að allir séu ekki hæfir fyrir þetta starf og skorti hæfileika til að slökkva á þeim rökum sem þeir heyra og þurfa að koma á framfæri. Sumir eru opnir og móttækilegir fyrir rökum og ekki alveg sannfærðir um að allt, sem alríkisstjórnin telur vera öfga og ranglæti, sé það í raun og veru. Fólk sem hugsar sjálfstætt verður því greint og ekki tekið með. Þessi tröllaverksmiðja hefur verið í gangi í nokkur ár eins og sjá má á tístinu hér að neðan:
Demókrataflokkurinn í Bandaríkjunum bjó til falska áætlun um að hægrimenn ætluðu að ræna einum fylkisstjóra demókrata
Þýska ríkisstjórnin er ekki ein um að búa til leynilegar tröllaverksmiðjur á samfélagsmiðlum m.a. til njósna. Alríkisstofnanir í Bandaríkjunum hafa ítrekað verið sökuð um sams konar starfsemi, sem miðar að því að laumast inn í öfgahópa og hópa sem gagnrýna stjórnvöld til að gera ógnina frá þeim stærri og verri en hún er í raun og veru. Hin falska mynd sem þannig er búin til af veruleikanum, má síðan nota í eigin pólitískum tilgangi.
Áðurnefnt samsæri um að ræna ríkisstjóra sem tilheyrir Demókrataflokknum hefur verið gagnrýnt og talið að hugmyndin hefði aldrei náð á teikniborðið nema vegna tilstilli FBI fulltrúa, sem tóku virkan þátt í glæpsamlegri ögrun og gerðust sjálfskipaðir forystumenn aðgerðanna. Þegar ránsáætlunin varð opinber, gat Demókrataflokkurinn notað „upplýsingarnar“ til að draga upp ógnvekjandi mynd með sviksamlegum hætti gegn sjálfum sér og gera stjórnmálaandstæðinga í Repúblikanaflokknum tortryggilega.
Í Þýskalandi er það, sem nú hefur verið uppljóstrað um á landsvísu, einnig sagt eiga sér stað í minni mæli í nokkrum fylkjum. Stjórnir héraða „frá Bæjaralandi til Slésvíkur-Holtseta“ eru sögð blanda sér inn í umfram allt hópa, sem þau sjálf skilgreina sem hægri sinnaða hópa, með aðstoð tröllaverksmiðja og falskra reikninga á samfélagsmiðlum.
