Samkvæmt málgagni kristinna í Svíþjóð Heimurinn í dag („Världen i dag“) hefur Youtube lokað fyrir kristna netmiðilinn Lifesite News í Bandaríkjunum og Kanada með á fjórða hundrað þúsund fylgjendur. Mörg af vinsælustu myndböndum miðilsins hafa verið skoðuð yfir 2 milljón sinnum. Með lokun Youtube hafa yfir tvö þúsund myndbönd horfið en Lifesites News átti kópíur sem nú hafa verið settar út á netmiðilinn Rumble en þangað hafa margir íhaldssamir miðlar flutt samskipti sín eftir árásir og lokanir Youtube að undanförnu.
Youtube varaði kristna miðilinn við í nóvember eftir þátt kaþólskrar nunnu sem ræddi um kórónuvírusinn og efaðist um skaðsemi veirunnar umfram erfiða inflúensu. Í öðru myndbandi Lifesite News segir kanadískur læknir að farsóttin sé notuð til að loka niður samfélögum og efnahagslífi til þess að koma á „endurræsingunni miklu sem heimselítunni hefur dreymt um í áratugi.“ Kristni miðillinn telur að Youtube hafi lokað á sig vegna gagnrýnisummæla á bóluefni sem notuð eru gegn covid veirunni.
Google styður fóstureyðingar og lokar á þá sem eru ekki sammála
Joseph Strickland biskup sagði í þætti sínum að hann vildi ekki láta bólusetja sig með bóluefni sem inniheldur DNA frá eyddum fóstrum. Hann sagði einnig að bóluefni Pfizer innihéldi ekki slíkt en það hefði verið prófað á frumum úr eyddum fóstrum. Pamela Acker lífefnafræðingur hélt því fram í einum þættinum að frumur úr hundruðum ef ekki þúsundum eyddra fóstra hefðu verið nýttar á áttunda áratug síðustu aldar. Skilyrðin voru að fóstrin væru yfir þriggja mánaða gömul þegar þeim var eytt svo hægt væri að ná líffærum úr þeim. Ekki kom fram hvaða heimildir Acker hafði fyrir fullyrðingum sínum.
Tucker Carlsson hjá Fox News er einn þeirra sem gagnrýnir harðlega lokun Youtube á hinum kristna miðli og meinar að stjórn Google sé hlutdræg í spurningunni um fóstureyðingar því fyrirtækið styðji þær: „Google vill ekki ræða þessi mál svo þeir loka bara á umræðurnar. Hundruð þúsunda áskrifenda Lifesite News geta ekki lengur horft á myndbönd, þar sem fóstureyðingar eru gagnrýndar, þar sem ekki má gera það.“
Ummæli Tucker Carlsson um málið byrjar á 37. sekúndu í myndbandinu.
